Misambu 75:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Ndi neambila badi ne diambu ne, Kanuikadi ne diambu; ndi ngambila bantu babi ne, Kanuambudi lusengu luenu mulu;

MUKANDA WA MYIDI MUKULU

⁴ Nansha buloba buzakala, nansha badi basepu batshina, kadi meme ndi mbushindika pa makunji abu kashidi.”

Misambu 75:4 ပူးပေါင်းရင်းမြစ်များ

Misambu 148:14

Yeye wakuambuila bantu bandi lusengu, wakudivuisha wa kutumbishibua kudi bansanto bandi bonso, kudi bantu ba mu Isalele badi ha buihi nʼandi. Tumbishai Yehowa!

Misambu 68:3

Kadi bantu bakane bikale ne disanka, balumbile ku mpala kua Nzambi; e, basanke bikole mu disanka diabo.

Misambu 89:17

Bualu bua wewe muine udi butumbi bua bukole buabo; ne bua dianyisha diebe kutudi wewe udi ubandisha lusengu luetu mulu.

Misambu 94:8

Elanganai meji a bualu ebu, nuenu badi bajibale munkatshi mua bantu! Nuenu bantu bahote, nenulue bena meji dituku kai?

Misambu 97:5

Mikuna mile yakafingatuka bu dihula ku mpala kua Yehowa, ku mpala kua Mukelenge wa buloba bujima.

Nsumuinu 1:22

Nuenu batshimbakanyi, nenunange butshimbakane musangu bule munyi? Badi babuidia nebasanke mu kubuidia kuabo, bahote nebakine lungenyi musangu bule munyi?

Nsumuinu 8:5

Nuenu batshimbakanyi, nuyile mua kumanya budimu; nuenu bahote, nuyile mua kuikala ne mutshima wa kujingulula malu.

Nsumuinu 9:6

Lekelai kutshimbakana, nuikale ne muoyo, nuende mu nshila wa dijingulula dia mianda.

Zekâya 1:21

Nunku meme nakamukonka ne, Bantu aba bakulua kuenza tshinyi? Yeye wakamba ne, Ei nnsengu yakatangadisha Bena Yuda, ne bua muanda eu kakuakadi muntu wakabisha mutu wandi; ne hatudi aba bakulua bua kubakuatshisha buowa, ne bua kukosa hanshi nsengu ya ba mu bisamba bia bantu, biakambula nsengu yabo bua kuluisha nʼai ba mu buloba bua Yuda ne bua kutangadisha badimu.

1 Samuele 2:8

Udi ujula bahele ha buloba: udi ujula badi ne bintu bualu ku diala: udi ubashikika hohamue ne baminyampala, bua kuhianabo nkuasa wa butumbi: bualu bua makunshi a buloba adi a Yehowa, ne yeye wakajadika buloba ha mutu hau.