Misambu 74:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Katuena tumona bimanyinu bietu; kakuenaku muprofete kabidi, ne kakuena muntu munkatshi muetu udi mumanye bule bua tshikondo tshia bualu ebu.

MUKANDA WA MYIDI MUKULU

⁹ Kakutshiena bidi bileja ne: wewe udi munkatshi muetu. Bambi kabatshiena bamanyisha malu. Kakuena wa kutudi udi mumanye ne: ebi nebijike diba kaayi.

Misambu 74:9 ပူးပေါင်းရင်းမြစ်များ

Ekesode 12:13

Mashi neikale bu tshimanymu tshia mu nsubu munudi, ne hanamona mashi, nempite ha mutu henu, ne mulau kawena unukuata hanashiha bantu ba mu buloba bua Ejipitu.

Muadi 2:9

Bibi biandi biakubuela mu buloba; yeye wakutshibula biamu biabi bituha bituha; mukelenge wandi ne miloho yandi badi bamuangalaka munkatshi mua bisamba bia bantu, mudi kamuyi mikenji; nansha baprofete kabatshiena bamona bikena kumona bifume kudi Yehowa.

Yezekiyele 20:12

Nakabaha matuku anyi a mbingu kabidi, bua kuikalau tshimanyinu hankatshi hanyi nʼabo, bua bobo bamanye ne, Meme Yehowa ngudi ubajidila.

Yezekiyele 7:26

Kubutuka nekulonde ha nyima ha kubutuka kukuabo, ne lumu nelulonde ha nyima ha lumu lukuabo; nebakebe tshikena kumona kudi muprofete, kadi diyisha dia mikenji kudi muakuidi nedishike, ne bakulu kabena bikala ne bukole bua kulesha bakuabo meji.

Amosa 8:11

Mukelenge Yehowa udi wamba ne, Monai, mu matuku ulualua, nentume tshiole mu buloba, tshidi katshiyi bu tshiole tshia bia kudia, ne nyota idi kayiyi bu nyota ya mai, kadi ntshiole tshia kunvua mei a Yehowa.

Mika 3:6

Nunku butuku nebunuidile, kanuyi numona kabidi bikena kumona, mîdima neyikaleku, bua nuenu kanumanyi mua kutempa mbuku; diba nedibuelele baprofete, ne munya newandamuke midima kudibo.

Mika 3:7

Bamonyi ba malu nebatatakane, batempi nebakuatshike bundu; buonso buabo nebabuikile bianza ku mishiku, bualu bua Nzambi kena ubitaba.

Ebrewu 2:4

Nzambi kabidi wakamanyishangana nʼabo ne ku bimanyinu ne ku malu a kukema ne ku bienzedi bia bukole bia bungi ne ku bihedi bia Nyuma Muimpe biakababanyinabo, bu mudi disua diandi.

Balombodi 6:17

Yeye wakamuambila ne, Bingikala musangane diakalengele ku mesu kuebe, undeshe tshimanymu ne, Nguewe mene udi wakula nʼanyi.

1 Samuele 3:1

Muana eu Samuele wakakuatshila Yehowa mudimu ku mesu kua Eli. Dî dia Yehowa diakadi dia mushinga mukole matuku au: kakuakadi tshikena kumona misangu ya bungi nansha.