Misambu 72:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Mu matuku andi bantu bakane nebikale ne diakalengele, ditalala divule nedikaleku tô ne hajimina ngondo tshiendelele.

MUKANDA WA MYIDI MUKULU

⁷ Matuku adiye mu bukalenga, bakose nsambu amu pa yoyi. Bupole ne diakalenga bivulangane mu ditunga, too ne muajimina ngondu kashidi!

Misambu 72:7 ပူးပေါင်းရင်းမြစ်များ

1 Bakalenga 4:25

Bena Yuda ne Bena Isalele bonso bakashikama talalâ, muntu ne muntu muinshi mua muonshi wandi wa tumuma tukese ne mua mutshi wandi wa nfigi, ku Dana tô ne ku Bê-sheba, matuku onso a Solomo.

1 Bakalenga 5:4

Kadi katataka Yehowa, Nzambi wanyi, wakumpa dikisha ku nseke yonso; kakuena muena lukuna, kakuena bualu bubi.

Misambu 92:12

Bantu bakane badi bakola bu dibue dia ngashi, badi baleha bu mutshi wa cèdre wa mu Lebanona.

Yeshaya 2:4

Yeye nealumbulule bilumbu bia munkatshi mua bisamba bia bantu, neakosele bantu ba bungi bilumbu biabo; bobo nebafule nkasu ya kudima nʼai ku miele yabo ya nvita, nebatule miele ya kukosa nʼai matamba mafubidila a mitshi ku mafuma abo; tshisamba tshikuabo katshiena tshibisha muele wa nvita bua kuluisha nʼau tshisamba tshikuabo, ne kabena bayila lungenyi lua kuluangana nʼalu nvita kabidi.

Yeshaya 60:1

Juka, temena; bua munya webe wakulua, ne butumbi bua Yehowa buakubanda, buakukutemena.

Yeshaya 60:22

Muntu udi utamba kuhuekela nealue tshisamba, udi mutambe bukese nealue tshisamba tshihite bukole. Meme Yehowa nengendeshe muanda eu mu tshikondo tshiau.

Danyele 2:44

Mu matuku a bakelenge aba Nzambi wa mu diulu neajadike bukelenge bukuabo budi kabuyi bubutudibua tshiendelele. Bukokeshi buabu kabuena buhianyibua kudi bantu bakuabo, kadi nebutshibule makelenge â onso bituha bituha, nebuabutule, ne buobu nebujalame tshiendelele.

Zekâya 9:10

Yeye neatshibule dikalu dia nvita ku Efelayima, neashihe kabalu ka nvita ku Yelushalema, neatshibule buta bua nvita; neambe mei a kuvuisha nʼau ditalala munkatshi mua bisamba bia bantu. Bukokeshi buandi nebuikale ku mai manene tô ne ku mai manene makuabo, ne ku musulu wa Pelata tô ne kunfudilu kua buloba.

Malaki 4:2

Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi. Nuenu nenuluhuke, nenunaye bu bana ba ngombe haluhukabo mu tshikumbi.

Luke 1:33

neikale mukelenge wa nsubu wa Yakoba tshiendelele; bukelenge buandi kabuena ne tshishikidilu.

Luke 2:14

Butumbi buikale kudi Nzambi mu diulu, Ditalala dikale hanshi ha buloba munkatshi mua bantu badi basankisha Nzambi.

Bienzedi 4:32

Tshisumbu tshia bakadi bitabusha tshiakadi ne mutshima ne musûke umue; kakuakadi muntu umue wakamba ne, Bintu bindi nʼabi mbianyi nkayanyi; kadi bakasangisha bintu bionso hohamue.