Misambu 72:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Dina diandi nedishaleku tshiendelele! Dina diandi netushale kudi tunkanunuma tuandi hatshidi diba ditema. Bantu nebadivudishile disanka mu bualu buandi; bisamba bionso bia bantu nebimubikile ne, Udi ne disanka.

MUKANDA WA MYIDI MUKULU

¹⁷ Lumu lua mukalenga lushale kashidi, bamutumbishe too ne muajimina diba tshiendelele! Bantu belangane lupemba, bamba ne: Mvidi Mukulu akusankishe, muvuaye muenzele mukalenga! Mu matunga onsu bantu bamutue makumbu!

Misambu 72:17 ပူးပေါင်းရင်းမြစ်များ

Genese 12:3

Nensankishe bantu badi bakuvudishila wewe disanka, nengele muntu mulau udi ukuela wewe mulau Bisamba bionso bia ha buloba nebisanke bua bualu buebe.

Genese 22:18

bisamba bionso bia ha buloba nebisanke bualu bua tunkanunuma tuebe, bualu bua wewe wakatumikila di dianyi.

2 Samuele 7:13

Yeye neibakile dina dianyi nsubu, nenjadike nkuasa wa bukelenge buandi tshiendelele.

2 Samuele 7:16

Nsubu webe ne bukelenge buebe nebujadikibue ku mesu kuebe tshiendelele; nkuasa webe wa butumbi neajadikibue tshiendelele.

1 Kulondolola 17:12

Yeye neangibakile nsubu, nenjadike nkuasa wandi wa bukelenge tshiendelele.

Misambu 21:7

Bualu bua mukelenge udi weyemena Yehowa; ne bualu bua luse lua Nzambi Mutambe Bunene wa mu Diulu yeye kena unyungishibua.

Misambu 45:17

Nenvuishe dina diebe bu dina didibo bavuluka mu bikondo bionso; nunku bantu nebakutumbishe tô ne kashidi.

Misambu 89:36

Milongo ya tunkanunuma tuandi neyilondangane kashidi, nkuasa wandi wa bukelenge neikaleku ku mpala kuanyi bu mudi diba tshiendelele.

Ekesode 3:15

Nzambi wakambila Mose kabidi ne, Wewe newambile Bena Isalele ne, Yehowa, Nzambi wa bankambua benu, Nzambi wa Abalahama, Nzambi wa Isaka ne Nzambi wa Yakoba wakuntuma kunudi edi ndina dianyi tshiendelele, etshi ntshivulukidi tshianyi kudi bantu bonso.

Yeshaya 7:14

Nunku Mukelenge muine neanuhe tshimanyinu. Monai! Mukashi utshidi kamama neimite difu, nealele muana wa balume, neamuidike dina ne, Imanuele.

Yirmeya 4:2

Biwaditshiha ne, Bu mudi Yehowa ne muoyo, uditshihe nunku mu bushuwa, mu kulumbulula kuakane ne mu buakane; mu diba adi bisamba bia bantu nebivuishibue disanka kudiye, nebitumbile mudiye.

Matayi 1:21

Yeye nealele muana mulume, umuidike ne, Yesu, bualu bua yeye neasungile bantu handi ku mibi yabo.

Matayi 1:23

Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi nʼetu.

Luke 1:48

Yeye wakatangila buhuekele bua mukashi muhika wandi; Milongo yonso ya bantu tô ne tshiendelele neimbikile ne, Udi ne disanka.

Bienzedi 3:16

Bualu bua ditabusha dia mu dina diandi, dina diandi diakukolesha muntu eu unudi nutangila ne unudi bamanye; bulelela, ditabusha diakufuma kudiye ndiakumuha bukole ku mesu kua buonso buenu.

Ngalate 3:14

bua disanka dia Abalahama dilue kudi bisamba bia bende mu Kilisto Yesu; bua tuetu kuangata mulayi wa Nyuma bua ditabusha.

Efeze 1:3

Nzambi, Tatu wa Mukelenge wetu Yesu Kilisto atumbishibue, wakatuvuidishila masanka onso a Nyuma mu miaba ya mu diulu mu Kilisto;

Efeze 3:14

Bua muanda eu ndi ntua binu hanshi ku mpala kua Tatu,

Filipe 2:10

ne bua mu dina dia Yesu binu bionso bitue hanshi, ne bia bintu bia mu diulu ne bintu bia ha buloba ne bintu bia munshi mua buloba,

Kolose 1:3

Tudi tusakidila Nzambi, Tatu wa Mukelenge wetu Yesu Kilisto, tudi tunulombela Nzambi misangu yonso.

1 Petro 1:3

Batumbishe Nzambi udi kabidi Tatu wa Mukelenge wetu Yesu Kilisto, nyeye wakatulela tshiakabidi bu mudi luse luandi lunene, bua kutuheye ditekemena didi ne muoyo bua dibika dia Yesu Kilisto dia ku bafue;

Didimanyisha 15:4

Mukelenge, nganyi udi kai utshina, udi kai utumbisha dina diebe? Bualu bua wewe nkayebe udi wa tshijila; bualu bua ba mu bisamba bionso nebalue ne nebakukuile ku mpala kuebe; bualu bua bienzedi biebe biakane biakumueneshibua.