Misambu 71:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua wewe, Mukelenge Yehowa, udi ditekemena dianyi; udi tshieyemenu tshianyi ku buana buanyi to ne katataka.

MUKANDA WA MYIDI MUKULU

⁵ Maweja-Nangila, Mvidi Mukulu, ndi nkutekemena, nkueyemina biangatshile ku buana buanyi.

Misambu 71:5 ပူးပေါင်းရင်းမြစ်များ

1 Bakalenga 18:12

Hashishe hangumuka kûdi, Nyuma wa Yehowa neaye nʼebe kukuabo kundi tshiyi mumanye: nunku hanafika kudi Ahaba bua kumuambila ne yeye kena mumanye mua kukusangana, yeye neanshihe; kadi meme, muntu webe, nakatshina Yehowa katshia ku buana buanyi.

2 Kulondolola 34:3

Bualu bua mu tshidimu tshia muanda mukulu tshia bukelenge buandi, hakatshidiye muana, yeye wakabanga kukeba Yehowa, Nzambi wa Davidi, nkambua wandi; mu tshidimu tshia dikumi ne bibidi yeye wakabanga kumusha bioshelu biakadi ha mutu ha mikuna ne mitshi ya Bashela ne mpingu yakasongabo ne mpingu yakatulabo mu Yuda ne Yelushalema.

Misambu 119:166

Ndi ntekemena luhandu luebe, Yehowa, ndi ngenza mudi mikenji yebe yamba.

Misambu 119:81

Muoyo wanyi udi muhungile ne dijinga dia luhandu luebe, ndi ntekemena dî diebe.

Misambu 13:5

Kadi nakueyemena luse luebe; mutshima wanyi neusanke bua luhandu luebe.

Misambu 39:7

Mpindiu, Mukelenge, ndi ngindila tshinyi? Ditekemena dianyi didi anu kûdi.

Misambu 42:11

Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi bualu bua yeye udi luhandu luanyi ne Nzambi wanyi.

Misambu 71:17

Nzambi, wewe wakunyisha ku buana buanyi tô ne mpindiu; tô ne mpindiu utshidi ngambila bantu bua bienzedi biebe bia kukema.

Muambi 12:1

Uvuluke Mufuki webe mu matuku a bunsongalume buebe, hadi matuku mabi kayi manze kulua anyi bidimu kabiyi bianze kufika ha buihi, haudi wamba ne, Tshiena nʼabi disanka;

Yirmeya 14:8

Wewe ditekemena dia Bena Isalele, Musungidi wabo mu tshikondo tshia dikenga; wewe ukadi kutudi bu muenyi wa mu buloba ebu, bu muena luendu udi utula bua kulaleye anu butuku bumue bua tshinyi?

Yirmeya 17:13

Yehowa, wewe nditekemena dia Bena Isalele, bonso badi bakuhidia nebafuishibue bundu. Bantu badi bakulekela nebikale bu maleta mafunda ha buloba, bualu bua bakubenga Yehowa, mushimi wa mai a muoyo.

Yirmeya 17:17

Kuikadi kundi munkuatshishi wa buowa, wewe udi tshinyemenu tshianyi mu dituku dia dikenga.

Yirmeya 17:7

Muntu udi weyemena Yehowa ne udi ubala Yehowa nkayandi bu tshieyemenu tshiandi, udi ne disanka.

Yirmeya 50:7

Bonso bakadi babasangana bakubadia, bena lukuna babo bakamba ne, Tuetu katuena bahile, bualu bua bobo bakuenzela Yehowa bibi. Yeye nduhangu lua buakane, bakuenzela Yehowa mene, ditekemena dia batatu babo, bibi.

Luke 2:40

Muana wakadiunda biandi, wakakola, wakadi, mûle tente ne lungenyi; luse lua Nzambi luakadi nʼandi.

Rome 15:13

Nzambi wa ditekemena anûshe tente ne disanka ne ditalala dia mu ditabusha dienu, bua nuenu nukumbane mu ditekemena mu bukole bua Nyuma Muimpe.

2 Timote 3:15

ku buana buebe wewe wakamanya Mukanda wa Nzambi, udi mumanye mua kukuvuisha muena meshi tô ne ku luhandu luakulua bua ditabusha dia mu Kilisto Yesu.

1 Samuele 16:13

Hashishe Samuele wakangata lusengu lua manyi, wakamuela manyi ha mutu handi munkatshi mua bana babo; Nyuma wa Yehowa wakatulukila Davidi bikole ku dituku adi. Nunku Samuele wakajuka, wakahingana ku Lama.