Misambu 71:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Wewe wakundesha makenga makole a bungi neunsangashe kabidi, neumpatule kabidi mu ndondo wa mu buloba.

MUKANDA WA MYIDI MUKULU

²⁰ Udi mummueneshe mabika ne mala. Kadi neumfululule, ungepule ku lukita.

Misambu 71:20 ပူးပေါင်းရင်းမြစ်များ

2 Samuele 12:11

Yehowa udi Wamba kabidi ne, Mona, nenkubishile bualu bubi mu nsubu webe mene; nenunyenge bakashi bebe ku mesu kuebe, nembafile kudi muena mutumba nʼebe, nealale ne bakashi bebe mu munya.

Misambu 119:25

Muoyo wanyi udi ulamata ku luhuishi; unsangashe kabidi bu mudi di diebe.

Misambu 138:7

Nansha bingenda munkatshi mua makenga, wewe neusangashe muoyo wanyi. Udi wolola tshianza tshiebe bua kukanda tshiji tshia badi nʼanyi lukuna, tshianza tshiebe tshia balume tshidi tshinsungila.

Misambu 16:10

Bualu bua wewe kuena ushiya muoyo wanyi mu Muaba wa Bafue; kuena witabusha bua muntu webe wa tshijila atangile Dijimba dia Bafue.

Misambu 60:3

Wakumueneshila bantu bebe malu makole akukengabo; wakutunuisha nyinyo yakutulenduisha.

Misambu 60:5

Bua bantu bebe baudi munange babandishibue, ubasungile ne tshianza tshiebe tshia bukole, utunvuile.

Misambu 80:18

Nunku katuena tualukila tshianyima bua kumuka kûdi. Utuangashe, nembikile dina diebe!

Misambu 85:6

Kuena utusangasha kabidi, bua bantu bebe basanke bualu buebe, anyi?

Misambu 86:13

Bua luse luebe lujalame lûdi undesha ludi lunene; bualu bua wakuhandisha muoyo wanyi ku ndondo wa mu Muaba wa Bafue.

Misambu 95:4

Mu tshianza tshiandi mudi mpongo ya ndondo; miaba ya ha mutu ha mikuna idi yandi kabidi.

Yeshaya 26:19

Bafue bebe nebikale ne muoyo; mibidi yabo mifue neyibike. Tabalai ne imbai bienu, nuenu badi balala mu dinfuenkenya! Bua mume webe udi bu mume wa munya, buloba nebuluhule bafue badimu.

Yeshaya 38:17

Mona, bua meme kuheta ditalala ku nyima nakadi ne kanyinganyinga kakole diambedi; kadi dinanga diebe dia muoyo wanyi diakûmusha mu dijimba dia kabutu; bualu bua wewe wakuela mibi yanyi yonso ku nyima kuebe.

Yona 2:6

Nakadila tô ne ku bitaku bia mikuna; ku buloba budi ne nkanu minsuike tshiendelele. Kadi wewe wakahatula muoyo wanyi mu Dijimba, Yehowa Nzambi wanyi!

Marke 15:34

Hakafika diba ha isatu, Yesu wakela dî diandi bikole ne, Eloi, Eloi, lama sabakatani? Kukudimuna kua muaku ne, Nzambi wanyi, Nzambi wanyi, wakundekela tshinyi?

Bienzedi 2:24

Nzambi wakamubisha, mumane kusulula nkanu ya lufu, bualu bua kakadi mua kusuikibua kudilu tshiendelele.

Efeze 4:9

(Ne bua dî edi ne, Wakabanda ma diulu, didi diamba tshinyi bikaladi kadî diamba ne, Wakadianjila kuhueka tô ne mu miaba ya munshi mua buloba?

Didimanyisha 7:14

Nakamuambila ne, Mukelenge wanyi, wewe udi mumanye. Wakangambila kabidi ne, Aba mbantu badi bumuka mu dikenga dinene, ne bakuvua mayeka abo, ne bakâtokesha mu mashi a Muana wa Mukoko.

1 Samuele 2:6

Yehowa udi ushiha ne udi ufululula kabidi: udi ubatuma ku Muaba wa Bafue, udi ubabisha kabidi.