Misambu 71:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi meme hanyi nengikale ne ditekemena misangu yonso, nennanukile kukutumbisha musangu ne musangu.

MUKANDA WA MYIDI MUKULU

¹⁴ Kadi meme matuku onsu ndi nkutekemena amu wewe. Nenkutumbishe misangu ne misangu.

Misambu 71:14 ပူးပေါင်းရင်းမြစ်များ

Yobe 13:15

Monai, yeye neanshihe; tshiena ne ditekemena; kadi nennanukile kudijidila ku mesu kuandi bua bienzedi bianyi.

Misambu 130:7

Bena Isalele, nuikale ne ditekemena dienu mu Yehowa, bualu hua kudi Yehowa ke kudi luse lujalame, kudiye kudi buhikudi bukumbane kabidi.

Misambu 43:5

Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi, bualu bua yeye udi luhandu luanyi ne Nzambi wanyi.

Misambu 71:6

Kûdi wewe mene nkundi mushindame katshia bandela, wewe nyeye wakumpatula munda mua mamu wanyi. Kutumbisha kuanyi kudi bua bualu buebe matuku onso.

Muadi 3:21

Ndi nvuluka muanda eu, nunku ntshidi ne ditekemena ne:

Muadi 3:24

Mutshima wanyi udi wamba ne, Yehowa udi buhianyi buanyi, nunku ndi ne ditekemena dianyi kudiye.

Muadi 3:25

Yehowa udi ne luse kudi badi bamuindila, kudi muetu udi umukeba.

Muadi 3:26

Bidi bimpe bua muntu atekemene ne indile biandi luhandu lua Yehowa talalâ.

Filipe 1:9

Ndi ndomba bualu ebu ne, Luse luenu lutambe kudiundadiunda mu dimanya ne mu dijingulula dia malu onso;

1 Tesalonike 4:10

Bulelela, nudi nuenzela bana benu bonso nunku badi mu buloba buonso bua Makedonia. Kadi tudi tunusengelela, bana betu, bua nuenu mitambe kukumbanakumbana ma malu â;

Ebrewu 10:35

Nunku, kanuimashi dikima dienu, didi dinuhingishila difutu dinene.

1 Petro 1:13

Nunku nuele bimono bia meshi enu mikaya, nuikale talala, nujadike ditekemena dienu tshishiki mu ngasa udibo balua nʼandi kunudi ku dibuluibua dia Yesu Kilisto.

2 Petro 3:18

Kadi nudiunde mu ngasa ne mu dimanya bia Mukelenge wetu ne Musungidi Yesu Kilisto. Butumbi buikale kudiye katataka tô ne ku dituku dia tshiendelele. Amen.

1 Yone 3:3

Muntu yonso udi ne ditekemena edi kudiye udi udilengesha bu mudiye mulengele.