Misambu 7:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa udi ulumbuluisha bantu ba ha buloba. Undumbuluishe meme, Yehowa, bu mudi buakane buanyi ne bu mudi butoke bua mutshima wanyi.

MUKANDA WA MYIDI MUKULU

⁸ Sangisha bisamba bionsu pabuipi nebe. Zangama ku mutu kuabi mu nkuasa webe wa butumbi.

Misambu 7:8 ပူးပေါင်းရင်းမြစ်များ

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

Genese 31:53

Nzambi wa Abalahama, Nzambi wa Naho ne Nzambi wa tatu wabo ikale mulumbuluishi hankatshi hetu Yakoba wakaditshiha ku ditshina dia tatu wandi Isaka.

2 Kulondolola 20:12

Nzambi wetu, kuena ubalumbuluishe, anyi? Bualu bua tuetu katuena ne bukole bua kuluangana ne tshisumbu etshi tshinene tshilualua kutuluisha, katuena bamanye mua kuenza; kadi mesu etu adi kûdi.

Misambu 11:4

Yehowa udi mu ntempelo wandi wa tshijila, Yehowa mene udi ne nkuasa wandi wa butumbi mu diulu. Mesu andi adi amena, bilafinyi biandi bidi biteta bana ba bantu.

Misambu 25:21

Lulamatu luanyi kûdi ne buakane buanyi bindame; bualu bua ndi nkuindila.

Misambu 26:1

Yehowa, unkosele tshilumbu tshianyi ne kulumbulula kuakane, bualu bua nakuenda mu buakane buanyi, nakueyemena Yehowa tshiyi ndembakana.

Misambu 26:11

Kadi meme hanyi ndi ngenda mu buakane buanyi; umpikule, unfuile luse.

Misambu 41:12

Kadi mundi ngamba bua bualu buanyi, wewe udi unkolesha bualu bua buakane buanyi, udi unshikika ku mesu kuebe tshiendelele.

Misambu 43:1

Nzambi, ukose nsambu yanyi biakane, ungakuile tshilumbu tshianyi ku mpala kua ba mu tshisamba tshia bantu badi bahidia Nzambi. Umpandishe mu bianza bia bantu badi badinga ne badi ne malu mabi.

Misambu 78:72

Nunku yeye wakadi mulami wabo mu buakane bua mutshima wandi; wakabalombola ku meji a bianza biandi.

Misambu 82:1

Nzambi udi udimanyika mu muaba wandi wa disangisha dia Nzambi, udi ulumbulula bilumbu munkatshi mua nzambi mikuabo.

Misambu 9:8

Nealumbuluishe ba ha buloba mu buakane buandi, neakose bilumbu bia bantu, kayi ne kansungusungu.

Misambu 96:13

ku mpala kua Yehowa, bualu bua yeye udi ulua, bua udi ulua bua kulumbuluisheye ba ha buloba. Nealumbuluishe ba ha buloba bu mudi buakane buandi, nealumbuluishe bukua bantu bu mudi lulamatu luandi lua bushuwa.

Misambu 98:9

ku mpala kua Yehowa; bualu bua udi ulua kulumbuluisheye ba ha buloba. Nealumbuluishe ba ha buloba ne buakane, nealumbuluishe bantu ne kulumbulula kuakane.

Nsumuinu 19:1

Muntu muhele udi ne mutshima mutoke udi uhita udi ne tshishiku ne buhote buimpe.

Bienzedi 17:31

bua yeye wakasungula dituku didiye ulumbuluisha ba ba buloba mu buakane kudi muntu wakasunguleye. Yeye kabidi wakaha bantu bonso ditabusha dia bualu ebu, bua yeye wakamubisha ku lufu.

2 Korente 1:12

Bualu bua ditumba dietu didi bualu ebu, tshimanyishilu tshia muoyo-mukese wetu ne, Tuetu tuakenda munkatshi mua ba ha buloba ne bienzedi bia tshijila ne bia hatoke bia Nzambi, kemu meshi a bantu kadi mu ngasa wa Nzambi, ne tuakatamba kuenda nunku munkatshi muenu.

1 Tesalonike 2:10

Nuenu nudi bamanyi ne Nzambi udi mumanyi kabidi bu mutuakanuenzela nuenu badi bitabusha malu a tshijila ne adi makane ne adi kâi mua kubandibua;