Misambu 69:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Kuitabushi bua badi bakutekemena bafuishibue bundu bua bualu buanyi, Mukelenge Yehowa wa misumba. Kuitabushi bua badi bakukeba bakeheshibue bua bualu buanyi, Nzambi wa Isalele.

MUKANDA WA MYIDI MUKULU

⁶ Mvidi Mukulu wanyi, udi mumanye bupote buanyi, mutandule malu mabi onsu amvua muenze.

Misambu 69:6 ပူးပေါင်းရင်းမြစ်များ

2 Samuele 23:3

Nzambi wa Isalele wakamba, dibue dia Isalele diakangambila ne, Udi ukokesha bantu ne buimpe, udi ukokesha mu ditshina dia Nzambi,

Misambu 25:3

Bulelela, nansha umue wa badi bakuindila neafuishibue bundu; nebafuishe badi benzela bantu malu a bunsonge hatuhu bundu.

Misambu 35:26

Badi basanka bualu bua dikenga dianyi bafuishibue bundu, babuandakashibue, buonso buabo hohamue. Badi badibandisha ku mpala kuanyi baluatshishibue bundu ne dikeheshibua.

Misambu 7:7

Disangisha dia bantu ba ha buloba dikunyunguluke; ne hawikala ku mutu kuadi, hingana biebe mu diulu.

Misambu 72:18

Yehowa Nzambi, Nzambi wa Isalele, avudishibue disanka, anu yeye nkayandi udi wenza malu a kukema.

Yeshaya 49:23

Bakelenge nebikale batatu bebe balami, ne bakelenge babo bakashi nebikale bamamu bebe bandeshi. Nebatue mpala yabo hanshi ku mpala kuebe, nebalake luhuishi lua ku makasa ebe. Ka wewe neummanye meme ne, Ndi Yehowa mene; badi bangeyemena kabena bafuishibua bundu.

Bienzedi 13:17

Nzambi wa tshisamba etshi tshia Isalele wakasungula bankambua betu, wakabisha bantu hakadibo bashikame mu buloba bua Ejipitu, wakabumushamu ne diboko dikole.

Bienzedi 13:23

Nzambi wakasungula kankanunuina ka muntu eu, wakakabishila Isalele bu Musungidi, Yesu mene, bu muakabalayeye.

Bienzedi 4:7

Hakimanyikabo Petelo ne Yone munkatshi muabo, bakabakonka ne, Nuakuenza bualu ebu ne bukole kai, anyi mu dina dia nganyi?