Misambu 69:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Kadi meme hanyi, Yehowa, nenkutendelele ne mulombu wanyi. Mu tshikondo tshidi tshiakane ku mesu kuebe, Nzambi, mu kukumbana kua luse luebe lujalame, witabe kundi ne luhandu luebe ludi mua kueyemenyibua.

MUKANDA WA MYIDI MUKULU

¹³ Miaba idi bantu basangile badi bantela, banu ba maluvu badi banseka, bangimba mu misambu.

Misambu 69:13 ပူးပေါင်းရင်းမြစ်များ

Genese 24:27

Yeye wakamba ne, Yehowa, Nzambi wa mukelenge wanyi Abalahama, atumbishibue, yeye kakumushila mukelenge wanyi luse luandi ne bulelela buandi, hanakadi mu nshila Yehowa wakandombola ku nsubu wa bana babo ne mukelenge wanyi.

Estere 5:2

Hakadi mukelenge utangila Esetê mukelenge mukashi muimane mu tshiendedi, yeye wakasangana luse ku mesu kuandi, mukelenge wakoluela Esetê dikombo dia or diakadi mu tshianza tshiandi. Nunku Esetê wakasemena ha buihi, wakalenga lusongo lua dikombo.

Estere 5:6

Hakadibo banue nvinyo ya ku bidia bia disanka, mukelenge wakebesha Esetê ne, Tshiudi ulomba ntshinyi? Nebakuhetshi. Dilomba diebe didi tshinyi? Nebakuhedi, tô ne ku tshituha tshia bukelenge.

Estere 7:2

Hakadibo banua nvinyo ya bidia bia disanka dituku dibidi, mukelenge wakebesha Esetê kabidi ne, Esetê mukelenge mukashi, dilomba diebe didi tshinyi? Nenkuhedi. Disengelela diebe didi tshinyi? Nenkuhedi tô ne ku tshituha tshia bukelenge.

Misambu 32:6

Bua bualu ebu muntu yonso udi unanga Nzambi akulombe mu tshikondo tshidiye mumanye mua kukusangana; bulelela, halua mai manene kuhasalala, kaena afika ha buihi nʼandi.

Misambu 51:1

Nzambi, unfuile luse, bu mudi luse luebe lujalame; ku divulangana dia luse luebe, unjimishile matomboka anyi.

Misambu 91:15

Hambikileye, nengitabe kudiye; nengikale nʼandi habueleye mu dikenga, nemmuhandishe, nemmutumbishe.

Misambu 98:3

Wakuyuluka luse luandi lujalame ne lulamatu luandi lua bushuwa kudi ba mu tshisamba tshia Bena Isalele. Badi kunfudilu kua buloba bakumona luhandu lua Nzambi wetu.

Yeshaya 49:8

Yehowa udi wamba dî edi ne, Mu tshikondo tshia diakalengele nakitaba kûdi, ne mu dituku dia luhandu nakukukuatshisha; nenkutume, nenkume kudi bantu bu tshihungidi tshiabo, bua kujadika buloba, bua kubahesha mahianyi akadi mashale makolo.

Yeshaya 55:6

Yehowa udi wamba ne, Keba Yehowa haudi mumanye mua kumusangana; umubikidile hatshidiye ha buihi.

Muadi 3:63

Tangila hashikamabo, hajukabo; meme ndi musambu udibo bimba.

Mika 7:20

Neuleshe Yakoba lulamatu luebe, ne luse luebe lujalame kudi Abalahama, bu muwakaditshiha kudi batatu betu, bibangile ku matuku a kale.

Luke 1:72

Yeye wakalesha bankambua betu luse, Wakavuluka dihungila diandi dia tshijila,

Luke 22:44

Wakatamba kukenga ne kanyinganyinga, wakatendelela Nzambi bikole; luanga luakahatuka mamata manene hamʼbidi handi bu mashi amata hanshi.

2 Korente 6:2

bua yeye udi wamba ne, Nakakunvuila mu tshikondo tshimpe, Mu dituku dia luhandu nakakukuatshisha; monai, katataka ntshikondo tshimpe, monai, katataka ndituku dia luhandu.

Ebrewu 5:7

Nyeye mu matuku a mubidi wandi wa ha buloba, hakatendeleleye ne mitendelelu ne misengelelu misangisha ne muadi mukole ne binsonshi kudi yeye wakadi ne bukole bua kumusungila ku lufu, ne hakamunvuilabo bua ditshina diandi dia Nzambi;

1 Petro 2:23

hakamuhendabo, yeye kakabahenda kabidi; hakakengeye, yeye kakabakanyina, kadi wakadifila mu bianza bia udi ulumbulula biakane.

1 Samuele 25:8

Webeshe bansongalume bebe, bobo nebakuambile; witabushe bansongalume aba basangane luse ku mesu kuebe; bualu bua tuetu tuakulua mu dituku dilengele; nunku ndi nkusengelela ne, Uhe bantu bebe ne muanʼebe Davidi tshionso tshidi mu tshianza tshiebe.