Misambu 68:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Mu muaba wandi wa tshijila mudiye mushikame mudi Nzambi, tatu wa bana ba nshiya ne mulumbuluidi wa bakashi ba mu lufuila.

MUKANDA WA MYIDI MUKULU

⁵ Imbilayi Mvidi Mukulu misambu, nutumbishe dina diende. Nuakidile udi wendakana pa mavuba. Dina diende mMaweja-Nangila. Nutue tshianga, numusamune.

Misambu 68:5 ပူးပေါင်းရင်းမြစ်များ

2 Kulondolola 30:27

Bakuidi ne Bena Lewi bakajuka, bakavudishila bantu disanka; Nzambi wakunvua dî diabo, ne kutendelela kuabo kuakafika tô ne mu diulu ku muaba wandi wa tshijila.

2 Kulondolola 6:2

Kadi meme nakakuibakila nsubu ne muaba wa wewe kushikama tshiendelele.

Misambu 10:14

Wewe wantangila bualu ebu, bualu bua utu watangila kanyinganyinga ne dikenga, bua kubikanda ku tshianza tshiebe. Udi kayi ne dikuatshisha udi udifila mu bianza biebe; wewe wakumana kuikala mukuatshishi wa bana ba nshiya.

Misambu 10:18

Bua wewe kulumbulula bilumbu bia bana ba nshiya ne bia badi bakengeshibua ne kulumbulula kuakane; bua muntu wa ha buloba kamanyi mua kukuatshisha bakuabo buowa kabidi tshiendelele.

Misambu 118:19

Ungunzuluile bibi bia ku buakane; nembuelemu, nengele Yehowa tuasakidila.

Misambu 146:9

Yehowa udi ulama benyi, udi ukuatshisha bana ba nshiya ne bakashi ba mu lufuila: kadi udi ukonyangasha nshila wa bantu babi.

Misambu 150:6

Bintu bionso bidi bihuyakana bitumbishe Yehowa! Tumbishai Yehowa!

Misambu 33:14

Ku muaba udiye mushikame udi ujosha talalâ bonso badi bashikame ha buloba,

Misambu 72:2

Yeye nealumbuluishe bantu bebe ne buakane, nealumbuluishe bantu bebe bahele ne kulumbulula kuakane.

Misambu 72:4

Yeye nealumbuluile bahele bilumbu biabo, neasungile bana ba badi bakengela bintu, neatshibule mukengeshi wabo bituha bituha.

Ekesode 3:15

Nzambi wakambila Mose kabidi ne, Wewe newambile Bena Isalele ne, Yehowa, Nzambi wa bankambua benu, Nzambi wa Abalahama, Nzambi wa Isaka ne Nzambi wa Yakoba wakuntuma kunudi edi ndina dianyi tshiendelele, etshi ntshivulukidi tshianyi kudi bantu bonso.

Yeshaya 1:23

Bakokeshi bebe badi batomboka, ne badi bakuatanganyi ba bulunda ne bibi. Muntu yonso wa munkatshi muabo udi musue mbueshilu, udi ukeba anu maha. Kabena balumbulula bilumbu bia bana ba nshiya ne kulumbulula kuakane, ne tshilumbu tshia mukashi wa mu lufuila katshiena tshifika kudibo.

Yeshaya 12:4

Mu dituku adi nenuambe ne, Sakidilai Yehowa, tumbishai dinu diandi! Ambilai bantu bienzedi biandi munkatshi mua bisamba bionso, nubamanyishe ne, Dina diandi didi ditumbishibua.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yeshaya 66:1

Yehowa udi wamba dî edi ne, Diulu didi nkuasa wanyi wa bukelenge ne buloba budi tshitekelu tshia muinshi mua makasa anyi; nenungibakile nsubu kai? Muaba kai newikale tshikishilu tshianyi?

Yirmeya 49:11

Shiya bana bebe ba nshiya, nembalame bua bikale ne muoyo, bakashi bebe ba mu lufuila bangeyemene meme.

Yirmeya 5:28

Badi ne mafuta a bungi hamʼbidi habo, dikoba diabo didi dinuna; badi batamba kuenza malu mabi; kabena bakuila bana ba nshiya bilumbu biabo bua bana bikale ne diakalengele, kabena bakuatshisha bakengi bua kuhetabo bintu bidibo nʼabi bualu.

Osheya 14:3

Bena Ashû kabena batusungila; katuena tubanda ha nyima ha tubalu tua nvita bua kuenda; katuena tuambila bintu bituakufula ku bianza bietu ne, Nudi nzambi yetu; bualu bua bana ba nshiya badi baheta luse kûdi.

Efeze 5:1

Nunku mudihishe kuenza mudi Nzambi wenza, bu bana bandi bananga.

Dielulula 10:18

Udi ulesha buakane kudi bana ba nshiya ne bakashi ba mu lufuila, udi musue kuha benyi bintu bia kudia ne bintu bia kuluata.

Dielulula 26:15

Utangile hanshi mu muaba webe wa tshijila mu diulu, uvudishile bantu bebe ba Isalele disanka, ne buloba buwakutuha, bu muwakalaya bankambua betu, buloba budi bûle tente ne mabele ne buitshi.