Misambu 68:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Wewe wakubanda mulu, wakuyamu ukoka bantu bawakukuata mu nvita ku nyima kuebe; wakuangata maha munkatshi mua bantu; e, wakuângata kabidi munkatshi mua badi bakutombokela, bua Yehowa Nzambi ashikameku.

MUKANDA WA MYIDI MUKULU

¹⁸ Mvidi Mukulu udi ne matempu a mvita binunu ne binunu. Maweja-Nangila mmufume nawu ku mukuna wa Sinayi, uya ku muaba wende wa tshijila.

Misambu 68:18 ပူးပေါင်းရင်းမြစ်များ

2 Kulondolola 6:18

Kadi Nzambi mene neashikame munkatshi mua bantu ba ha buloba bulelela, anyi? Tangila, wewe udi uhita diulu ne muaba udi ha mutu ha diulu bunene; ka bu mudi nsubu eu unakukuibakila neatambe bukese!

Misambu 110:1

Yehowa udi wambila mukelenge wanyi ne, Ushikame biebe ku tshianza tshianyi tshia balume tô ne hanavuisha badi nʼebe lukuna ditanda dia muinshi mua makasa ebe.

Misambu 24:3

Wabanda mukuna wa Yehowa nganyi? Wimana mu muaba wandi wa tshijila nganyi?

Misambu 47:5

Nzambi wakubanda mu diulu munkatshi mua mbila, Yehowa wakubanda mu tshiona tshia dî dia mpungi.

Misambu 7:7

Disangisha dia bantu ba ha buloba dikunyunguluke; ne hawikala ku mutu kuadi, hingana biebe mu diulu.

Misambu 78:60

Bua muanda eu wakumuka mu nsubu wandi wa ntenta wa mu Shilo, nsubu wandi wa ntenta mene wakashimikeye munkatshi mua bantu.

Yeshaya 55:7

Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yezekiyele 48:35

Nyungulukilu wa musoko mu nseke yau mai ikale coudées binunu dikumi ne muanda mukulu. Nebabikile dina dia musoko ku dituku adi tô ne tshiendelele ne, Yehowa udi aha.

Yowele 2:11

Yehowa udi wela dî dikole ku mpala kua masalayi andi; bualu bua tshisumbu tshiandi tshia masalayi tshidi tshinene, bualu bua muenji wa dî diandi udi ne bukole. Bualu bua dituku dia Yehowa didi dinene, didi dikuatshisha bantu buowa bukole; nganyi washindama ku mpala kuadi?

Matayi 9:13

Yai bienu nuyile dî edi ne, Ndi musue luse, tshiena nsua nyama minshihela; meme tshiakuluila bua kubikila badi bakane, nakuluila bua kubikila badi babi.

Marke 16:9

Hakabika Yesu ku lufu dinda dia dituku dia kumudilu dia lumingu, wakamueneka diambedi kudi Malia wa ku Magadala, wakumusheye bademon muanda mutekete.

Luke 24:47

mbimpe kabidi bia kuambilabo bisamba bionso bualu bua kukudimuna kua mitshima ne bua kujimishibua kua mibi yabo mu dina diandi, babangile ku Yelushalema.

Luke 24:49

Monai, ndi nutumina mulayi wa Tatu wanyi; kadi nushale mu musoko eu tô ne hanuluatshishabo bukole bua mu diulu.

Luke 24:51

Hakadiye ubasankisha nunku, wakumuka kudibo, wakatuadibua mu diulu.

Yowanane 14:23

Yesu wakamukudimuna ne, Biansua muntu, nenze dî dianyi; Tatu wanyi neamusue, tuetu netulue kudiye, netuikale ngandi.

Yowanane 16:7

Kadi ndi nuambila bulelela ne, Meme muye mbimpe bienu; bingikala tshî nya, Musambi kena ulua kunudi; kadi binaya, nenutumineye.

Bienzedi 2:23

yeye wakadi mufila bu muakadi meshi akasungula Nzambi ne bu muakadi budianjidi kumanya buandi, nuenu nuakuenzesha bianza bia bantu babi bua kumutekabo ku mutshi mutshiamakane ne bua kumushihabo.

Bienzedi 2:4

Buonso buabo bakadi bûle tente ne Nyuma Muimpe, bakabanga kuakula miaku mikuabo bu muakabaha Nyuma dî dia kuambabo.

Bienzedi 9:17

Anania wakaya biandi, wakabuela mu nsubu, wakamulenga tshianza, wakamuambila ne, Muanʼetu Shaula, Mukelenge Yesu mene wakumueneka kûdi hawakadi ulua mu nshila, wakuntuma bua wewe kutabala ne bua wewe kûla tente ne Nyuma Muimpe.

Rome 5:8

Kadi Nzambi wakatamba kulesha luse luandi kutudi mu muanda eu ne, Hatutshivua bantu babi, Kilisto wakatufuka.

2 Korente 6:16

Ntempelo wa Nzambi udi uhunga di kai ne mpingu? Bualu bua tuetu tudi bu ntempelo wa Nzambi udi ne muoyo; bu muakamba Nzambi ne, Nengikale munda muabo, nengendakane munda muabo; Nengikale Nzambi wabo ne bobo nebikale bantu banyi.

Dielulula 33:2

Yeye wakamba ne, Yehowa wakahueka ha mukuna wa Sinai, wakabika munkatshi muabo ku Sei, wakatemena ku mukuna wa Palana, wakamueneka munkatshi mua binunu makumi bia bantu bandi ba tshijila, wakalua kudibo ne mikenji mitema kahia mu tshianza tshiandi tshia bukole.

Kolose 2:3

Munda muandi mudi musokoka bibutshidibue bionso bia meshi ne bia lungenyi.

Kolose 2:9

Bualu bua munda mua Kilisto nkayandi mudi muikale tshiuwidi tshijima tshia Bunzambi mu tshikadilu tshia mubidi.

Ebrewu 1:3

Yeye udi dinkenka dikole dia butumbi bua Tatu ne tshifuanyikishi mene tshia Bunzambi buandi, ne udi wimanyika bintu bionso ku dî dia bukole buandi; hakamaneye kuhetela bantu diuvua dia ku malu mabi abo, wakashikama ku tshianza tshia bukole tshia Mutambe Bunene wa mulu.

Ebrewu 4:14

Bualu bua tuetu tudi ne muakuidi munene wakuhita mulu onso, Yesu Muana wa Nzambi mene, tulamate dijukula dia ditabusha dietu.

Ebrewu 6:20

kuakabuela Yesu bu mudianjidi bua bualu buetu, mumane kulua muakuidi mimene tshiendelele wa ku mulongo wa Melekisedeke.

Ebrewu 8:1

Mu malu atudi tuamba ebu mbualu butamba bunene, Tudi ne muakuidi wa nunku wakashikama ku tshianza tshikole tshia nkuasa wa butumbi wa Mutambe Bunene wa mulu,

1 Petro 3:22

udi ku tshianza tshia bukole tshia Nzambi, mumane kubuela mu diulu; banjelo ne makokeshi ne makole biakavuishibua ku nyima kuandi.

Didimanyisha 1:20

bualu busokoka bua mitoto muanda mutekete iwakatangila mu tshianza tshianyi tshia balume, ne bua bitekelu bia minda ya ngolo muanda mutekete. Mitoto muanda mutekete idi banjelo ba ekelesia muanda mutekete, ne bitekelu bia minda muanda mutekete bidi ekelesia muanda mutekete.

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.

Balombodi 5:12

Tabala, tabala, Debola: Tabala, tabala, imba musambu; bika, Balaka, lombola bakuatshibua, wewe, muana wa Abinoama.