Misambu 66:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Ba ha buloba bonso nebakutendelele; nebakuimbile misambu ya kukutumbisha nʼai; nebimbile dina diebe misambu.

MUKANDA WA MYIDI MUKULU

⁴ Maweja-Nangila, bantu bonsu ba pa buloba, bakukukuile, bakuimbile misambu, bakutumbishe!”

Misambu 66:4 ပူးပေါင်းရင်းမြစ်များ

Misambu 117:1

Tumbishai Yehowa, nuenu ba mu bisamba bionso bia bantu! Numutumbishe, nuenu bukua bantu bonso!

Misambu 22:27

Ba mu kunfudilu kua buloba nebamuvuluke, nebakudimune mitshima yabo kudi Yehowa. Ba mu biota bionso bia bisamba bia bantu nebatendelele ku mpala kuebe.

Misambu 65:5

Wewe utu witaba kutudi mu buakane ku bienzedi biebe bidi bikuatshilu bantu buowa, wewe Nzambi wa luhandu luetu, wewe ntshieyemenu tshia bonso ba kunfudilu kua buloba, ne tshia badi benda ha mai manene adi atamba kule.

Yeshaya 11:9

Kabiena bienzela bikuabo bintu bibi, kabiena bishiha bikuabo, mu mukuna wanyi wa tshijila wonso; bualu bua buloba nebuikale bûle tente ne kumanya kua Yehowa, bu mudi mai a mu mai manene abuikila miaba yau yonso.

Danyele 7:14

Bakamuha bukokeshi, butumbi ne bukelenge, bua bantu bonso, ba bisamba bionso ne ba miaku yonso bamukuatshile mudimu. Bukokeshi buandi budi bukokeshi bua tshiendelele, budi kabuyi mua kujimina, bukelenge buandi m bukelenge budi kabuyi mua kubutudibua.

Malaki 1:11

Yehowa wa misumba udi wamba ne, Ku kuhatuka kua diba tô ne ku kubuela kuadi dina dianyi didi dinene munkatshi mua ba mu bisamba bia bantu. Mu muaba wonso badi bangoshila musenga wa manananshi ne badi bafila mulambu, mulambu muakane mene, mu dina dianyi; bualu bua dina dianyi didi dinene munkatshi mua ba mu bisamba bia bantu.

Didimanyisha 15:4

Mukelenge, nganyi udi kai utshina, udi kai utumbisha dina diebe? Bualu bua wewe nkayebe udi wa tshijila; bualu bua ba mu bisamba bionso nebalue ne nebakukuile ku mpala kuebe; bualu bua bienzedi biebe biakane biakumueneshibua.