Misambu 66:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nuambile Nzambi ne, Mona mudi bienzedi biebe bikuatshisha bantu buowa! Bualu bua bukole buebe budi bunene, badi nʼebe lukuna badi bakukokela ne lubombo.

MUKANDA WA MYIDI MUKULU

³ Nuambile Mvidi Mukulu ne: “Biudi muenze mbia dikema! Baluishi bebe badi badiela panshi ne bowa, bualu bukole buebe mbupite!

Misambu 66:3 ပူးပေါင်းရင်းမြစ်များ

Yobe 25:2

Bukokeshi ne ditshina bidi kudiye, udi uvuisha ditalala mu miaba yandi ya mu diulu.

Misambu 18:44

Mu diba diakunvuabo lumu luanyi bakantumikila; ba mu bisamba bia bende bakulua kunkokela ne lubombo.

Misambu 18:45

Ba mu bisamba bia bende bakateketa, bakaluhuka mu miaba yonso ya ngumbu bazakala.

Misambu 47:2

Bualu bua Yehowa, Mutambe Bunene wa mu Diulu, udi ukuatshisha bantu buowa, udi Mukelenge munene wa ha mutu ha buloba buonso.

Misambu 65:5

Wewe utu witaba kutudi mu buakane ku bienzedi biebe bidi bikuatshilu bantu buowa, wewe Nzambi wa luhandu luetu, wewe ntshieyemenu tshia bonso ba kunfudilu kua buloba, ne tshia badi benda ha mai manene adi atamba kule.

Misambu 68:30

Ubele biebe nyama ya munkatshi mua ntuhu, ubele tshisumbu tshia balume ba ngombe diatshimue ne bana ba ngombe ba bantu. Udiate bantu aba muinshi mua makasa ebe badi balua kukokela kûdi ne bituha bia tshiamu tshia argent. Umuangalashe bantu badi basanka bua kuluangana nvita.

Misambu 76:12

udi ukanda kudisua kua bakokeshi, udi ukuatshisha bakelenge ba ha buloba buowa.

Misambu 81:15

Badi ne Yehowa lukuna bakadi kulua kumukokela ne lubombo, kadi tshikondo tshia Bena Isalele tshiakadi kuleha to ne kashidi.

Ekesode 15:21

Mîyama wakabambila ne, Nuimbile Yehowa musambu, bualu bua yeye wakatamba bukole ne butumbi buandi, wakela kabalu ne muntu wakadi wenda ha nyima haku mu bunene bua mai manene.

Yeshaya 2:19

Bantu kabidi nebabuele mu mbuebue ya mu mabue ne mu nyongolo ya mu buloba, bua kusokomabo ku mesu a Yehowa adi abakuatshisha buowa, ne ku butumbi bua buneme buandi, hajukeye bua kuzakasha buloba bikole.

Yeshaya 25:3

Nunku ba mu tshisamba tshia bantu bakole nebakutumbishe; ba mu misoko ya bisamba bidi bikuatshisha bantu buowa nebakunemeke.

Yeshaya 40:26

Bandishai mesu enu kulu, numone bienu! Wakafuka bintu ebi nganyi? Nyeye udi uhatula misumba yabi, ubala bungi buabi, ne udi ubuikila buonso buabi mena abi; ne bualu bua bunene bua bukole buandi, ne bualu bua bukole bua bukokeshi buandi, kakuena umue wabi udi uhanga kumueneka.

Yeshaya 64:3

Hawakenza malu akatukuatshisha buowa atuakadi katuyi batekemena, wakahueka biebe, mikuna yakakanka ku mpala kuebe.

Yirmeya 10:10

Kadi Yehowa udi Nzambi wa bushuwa; yeye udi Nzambi wa muoyo ne Mukelenge wa tshiendelele. Buloba budi buzakala hikaleye ne tshiji, ne ba mu bisamba bia bantu kabena mua kuimana ku mpala kua tshiji tshiandi.