Misambu 66:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nuimbe bienu musambu udi ulesha butumbi bua dina diandi, numutumbishe ne ditumbisha dihite bunene.

MUKANDA WA MYIDI MUKULU

² Nutumbishe dina diende dia butumbi, nudisamune ne misambu.

Misambu 66:2 ပူးပေါင်းရင်းမြစ်များ

Nehemya 9:5

Hashishe Bena Lewi, Yeshua ne Kadamiele ne Bani ne Hashabeneya ne Shelebaya ne Hodiya ne Shebanya ne Petehiya, bakamba ne, Jukai bienu, nuvudishile Yehowa Nzambi wenu disanka ku tshibangidilu tô ne kunshikidilu. Bavudishile dina diebe dia butumbi disanka, didi ditumbishibue ha mutu ha masanka onso ne butumbi buonso.

Misambu 106:2

Udi mua kuambila bantu bua bienzedi binene bia Yehowa nganyi? Anyi udi mua kubalesha butumbi buandi buonso nganyi?

Misambu 107:15

Basakidile Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Misambu 107:22

Bafile milambu kudiye ya kumusakidila nʼai, bambile bantu bienzedi biandi ne misambu ya disanka!

Misambu 68:33

Nuimbile udi wenda mubande ha mutu ha diulu misambu, ha diulu mene diakadiku kale kale. Monai, udi wela dî diandi, dî diandi dikole mene.

Misambu 72:18

Yehowa Nzambi, Nzambi wa Isalele, avudishibue disanka, anu yeye nkayandi udi wenza malu a kukema.

Misambu 79:9

Wewe Nzambi wa luhandu luetu, utukuatshishe bua butumbi bua dina diebe! Utuhandishe, Utubuikidile malu mabi etu, bua bualu bua dina diebe!

Yeshaya 42:12

Batumbishe Yehowa, bambile ba mu maloba a ku muelelu wa mai manene butumbi buandi.

Yeshaya 49:13

Diulu, imbaku biebe; buloba, sankaku biebe; nuenu mikuna, bandishai mei enu mu kuimba kua misambu! Bualu bua Yehowa wakusamba bantu bandi, ne neafuile bantu bandi badi bakenga luse.

Yeshaya 6:3

Bakananukila kuelangana mei, bambilangana ne, Wa Tshijila, Wa Tshijila, Wa Tshijila udi Yehowa wa misumba; buloba buonso budi bûle tente ne butumbi buandi.

Didimanyisha 5:13

Nakunvua tshintu tshionso tshifukibue tshidi mu diulu, ne tshidi ha buloba, ne tshidi munshi mua buloba, ne tshidi ha mai manene, ne bintu bionso bidimu biamba ne, Disanka ne buneme ne butumbi ne bukokeshi bikale kudi udi ushikama ha nkuasa wa butumbi, ne kudi Muana wa Mukoko, tô ne tshiendelele.