Misambu 66:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Wakitabusha bua bantu bende babande ha mitu hetu; tuakahitshila mu kahia ne mu mai. Kadi wakatuluhulamu bua tuetu kuikala mu muaha mukumbane.

MUKANDA WA MYIDI MUKULU

¹² Uvua muanyishe bua baluishi betu batudiate mu mutu ne nyama ya tubalu. Tuvua ne bua kupitshila mu kapia ne mu mayi. Kadi wewe kutupatulamu bua tuikishe.

Misambu 66:12 ပူးပေါင်းရင်းမြစ်များ

2 Samuele 15:17

Mukelenge wakumuka, ne bantu bonso bakamulonda, bakashikama mu Bete-mêhaka.

Yobe 36:16

E, wakasua kukukoka bua kukumusha mu makenga, bua kulua nʼebe mu muaba munene udi kauyi mubumbakane; ne bintu bidibo bateka ha mesa hebe bidi ne manyi tente.

Yobe 5:19

Neakuhandishe ku makenga asa mbombo, e, nansha mu makenga muanda mutekete bualu bubi kabuena bukulenga.

Misambu 33:19

bua yeye asungile mioyo yabo ku lufu, ne bua kubalama bua bikale ne muoyo halua tshiole.

Yeshaya 51:23

Nenduteke mu tshianza tshia badi bakukengesha, bakukuambila ne, Koba nyima bua tuetu tuhite ha nyima hebe! Ne wewe wakuvuisha nyima webe bu buloba, bu musesu mene bua bantu bahitshilemu.

Danyele 3:26

Hashishe, Nebukadenesâ wakaya ha buihi ne mushiku wa tshikutu tshia kahia kakole, wakela dî ne, Shadalaka, Meshaka ne Abedenego, nuenu bantu ba Nzambi Mutambe Bunene wa mu diulu, hatukai, luai kunoku. Shadalaka, Meshaka ne Abedenego bakaluhuka munkatshi mua kahia.

Luke 16:25

Kadi Abalahama wakamba ne, Muanʼanyi, uvuluke ne, Wewe, hawakadi ne muoyo, wakadi ne bintu biebe bimpe, Lazalo kabidi wakadi ne bintu bibi; kadi katataka kunoko yeye udi usanka ne wewe udi ukenga.

Bienzedi 14:22

benda bakolesha mioyo ya bayidi, babasengelela ne, Nushale mu ditabusha dienu; bua tuetu kubuela mu bukelenge bua Nzambi, anu hawahitshila mu makenga a bungi.

Yakobe 5:11

Monai, tudi tuidika bantu bakadikankamika ne, Badi ne disanka; nuakunyua lumu lua kudikankamika kua Yobo, nuakutangila bu muakumuenzela Mukelenge kunshikidilu, ne bu mudi Mukelenge mûle tente ne luse ne dinanga.