Misambu 63:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi badi bakeba muoyo wanyi bua kûbutula nebahueke muinshi mua ndondo wa buloba.

MUKANDA WA MYIDI MUKULU

⁹ Ndi nkulamata muanyi muonsu. Udi unshindika ne tshianza tshiebe tshia bukole.

Misambu 63:9 ပူးပေါင်းရင်းမြစ်များ

Yobe 40:13

Ubajike hohamue mu dinfuenkenya dia buloba, jingila mpala yabo mu miaba misokome.

Misambu 18:36

Wakadiundisha muaba undi ngendela muinshi mua makasa anyi, bua makasa anyi kâselemuki.

Misambu 35:26

Badi basanka bualu bua dikenga dianyi bafuishibue bundu, babuandakashibue, buonso buabo hohamue. Badi badibandisha ku mpala kuanyi baluatshishibue bundu ne dikeheshibua.

Misambu 35:4

Badi bakeba muoyo wanyi bafuishibue bundu, bakeheshibue. Badi bahangidisha malu mabi a kungenzela, bahingashibue ne babuandakashibue.

Misambu 38:12

Bantu badi bakeba kumana muoyo wanyi badi banteyela ndende yabo, badi bakeba kungenzela bibi badi bamba mei bualu bua kabutu, ne badi belangana meji a kudinga nʼau dinda tô ne ku dilolo.

Misambu 40:14

Bantu aba bafuishibue bundu ne babuandakashibue, buonso buabo diatshimue, badi bakeba muoyo wanyi bua kûmushaku. Balukishibue tshianyima ne bakeheshibue, bobo mene badi basue kungenzela bibi.

Misambu 55:15

Dibutuka dikuluke hamʼbidi habo, bahueke biabo ne muoyo tô ne ku Muaba wa Bafue, bualu bua malu mabi adi mu nsubu yabo ne munkatshi muabo.

Misambu 55:23

Kadi wewe Nzambi, neutulule bantu aba hanshi tô ne ku ndondo wa dijimba dia kabutu; bantu badi bamatshisha mashi ne badi badinga kabena bashala ne muoyo tshituha tshia hankatshi tshia matuku abo. Kadi meme nenkueyemene wewe.

Misambu 70:2

Badi bakeba muoyo wanyi, bafuishibue bundu ne babuandakashibue. Badi basanka bua kungenzela bibi, balukishibue tshianyima, bakeheshibue.

Misambu 86:13

Bua luse luebe lujalame lûdi undesha ludi lunene; bualu bua wakuhandisha muoyo wanyi ku ndondo wa mu Muaba wa Bafue.

Misambu 9:17

Budi bantu babi nʼabu mbua kualukila mu Muaba wa Bafue; bonso mene ba mu bisamba bia bantu badi bahua Nzambi muoyo nebenze nunku.

Musambu wa Solomo 8:5

Udi ufuma ku tshihela mukuate ku diboko dia wandi munanga nganyi? Nakakutahasha muinshi mua mutshi wa mamuma; mamu webe wakadiku ne kanyinganyinga bualu buebe, yeye wakakulelaku ne kanyinganyinga.

Yeshaya 14:15

Kadi neuhuekeshibue tô ne ku Muaba wa Bafue, ku ndekelu wa Tshina tshia Bafue.

Yeshaya 14:19

kadi wewe wakumushibua mu majambu ebe bu muana wa kabishi udibo bahetula, udi muluatshishibue bitalu bia bantu bashihibue, bakasompolabo ne muele wa nvita, badi bahueka tô ne ku mabue a mu Tshina, bu tshitalu tshidiatshibue muinshi mua makasa.

Yeshaya 14:9

Muaba wa Bafue udi muinshi mua buloba udi mubishibue bua kukuakidila hawafikamu, udi ukusonsuela bafue, bakokeshi banene bonso ba ha buloba mene, bua kukuakidilabo; udi ujula bakelenge bonso ba bisamba bia bantu mu nkuasa yabo ya bukelenge.

Bienzedi 1:25

bua kuangateye muaba mu mudimu eu ne mu bupostolo muakahonena Yudasa bua kuyeye ku muaba wandi muine.

1 Samuele 25:29

Biabika bantu bua kukulonda ne bua kukeba muoyo webe, muoyo wa mukelenge wanyi newikale musuikibue mu tshisumbu tshiotshimue ne muoyo wa Yehowa, Nzambi webe; ne mioyo ya bantu badi nʼebe lukuna, yeye neayele bu mudibo bela mabue mu tshieledi.

1 Samuele 28:19

Yehowa neakufile ne Bena Isalele mu bianza bia Bena Peleshete; makelela wewe ne bana bebe balume nenuikale nʼanyi. Yehowa neafile tshisumbu tshia masalayi a Bena Isalele mu bianza bia Bena Peleshete.