Misambu 62:2 - Mukanda wa Nzambi Dihungila Dikulukulu ne Dihungila Dihia-dihia 2003

² Yeye nkayandi udi dibue dianyi ne luhandu luanyi, tshibumba tshianyi tshile; tshiena nyungishibua bikole.

MUKANDA WA MYIDI MUKULU

² Kudi Mvidi Mukulu ke kundi mpeta dikisha, kudiye ke kundi ntekemena lupandu.

Misambu 62:2 ပူးပေါင်းရင်းမြစ်များ

Misambu 18:2

Yehowa udi dibue dianyi, musoko wanyi wa ngumbu ya nvita, ne musungidi wanyi. Udi Nzambi wanyi, dibue dianyi mundi nnyemenamu. Udi ngabu wanyi, ne lusengu lua luhandu luanyi, tshibumba tshianyi tshile.

Misambu 21:1

Yehowa, mukelenge neasanke mu bukole buebe, ke, mudiye usanka bikole bua luhandu luebe!

Misambu 27:1

Yehowa udi munya wanyi ne luhandu luanyi; nentshine nganyi? Yehowa udi ngumbu ya nvita mu muoyo wanyi; udi mua kunkuatshisha buowa nganyi?

Misambu 37:24

Biatankukeye, kena udishinda tshiula, bualu bua Yehowa udi umukuata ne tshianza tshiandi.

Misambu 37:39

Kadi luhandu lua bantu bakane ludi lufuma kudi Yehowa; yeye udi tshinyemenu tshiabo halua tshikondo tshia dikenga.

Misambu 59:17

Bukole buanyi, nenkuimbile misambu ya kukutumbisha nʼai, bualu bua wewe, Nzambi, udi tshibumba tshianyi tshile, Nzambi udi nʼanyi luse lujalame.

Misambu 59:9

Wewe, Bukole buanyi, nenkuindile ne ditekemena, bua Nzambi udi tshibumba tshianyi tshile.

Misambu 62:6

Yeye nkayandi udi dibue dianyi ne luhandu luanyi, tshibumba tshianyi tshile; tshiena nyungishibua.

Misambu 89:26

Yeye neangele dî ne, Wewe udi Tatu wanyi, Nzambi wanyi, ne Dibue dia luhandu luanyi.

Yeshaya 26:4

Eyemena! Yehowa tshiendelele, bualu bua Yehowa, Yehowa mene, udi dibue didiku tshiendelele!

Yeshaya 32:2

Muntu neikale bu tshisokomenu ku tshihehele, ne tshinyemenu tshia ku tshihuhu, neikale bu misulu ya mai mu muaba mûme, bu dileshi dia dibue dinene mu buloba budi butondesha bantu.

Muadi 3:26

Bidi bimpe bua muntu atekemene ne indile biandi luhandu lua Yehowa talalâ.

1 Korente 10:13

Kakuena diteta diakunukuata didi kadi dikuata muntu yonso; kadi Nzambi udi mua kueyemenyibua, ngudi kai witabusha bua nuenu nutetshibue ne diteta didi dinuhita bukole; kadi halua diteta, yeye neanuenzele nshila wa kuhandukila, bua nuenu mimanye mua kutantamana mu diteta.