Misambu 60:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nzambi wakuamba dî mu tshijila tshiandi ne, Nensanke, nenuhaule buloba bua Shekeme, nengabanye Tshibanda tshia Sukota.

MUKANDA WA MYIDI MUKULU

⁶ Uvua mumanyishe bantu bebe bua banyeme mvita, bapanduke ku miketa ya baluishi.

Misambu 60:6 ပူးပေါင်းရင်းမြစ်များ

Genese 12:6

Abalama wakalala mu buloba, wakalua ku Shekeme, kuakadi mutshi wa telebinta wa mu Mole Bena Kanana bakadi mu buloba tshikondo atshi.

2 Samuele 3:18

Katataka nushikishe bualu ebu: bualu bua Yehowa wakamba bua Davidi ne, Nensungile bantu banyi Bena Isalele mu bianza bia Bena Peleshete ne mu bianza bia bantu bonso badi nʼabo lukuna ku tshianza tshia muntu wanyi Davidi.

Misambu 119:162

Ndi nsanka bua di diebe, bu mudibo basanka hasanganabo bintu bingi biakunyengabo mu nvita.

Misambu 132:11

Yehowa wakaditshiha kudi Davidi ne mutshima udi wa bushuwa, kena ukudimuka bua kubenga dî diandi ne, Neashikike wahatuka munda muebe mu nkuasa webe wa bukelenge.

Misambu 56:4

Mu Nzambi, ndi ntumbisha dî diandi, mu Nzambi mundi ngeyemena, tshiyi ne buowa. Bantu badi mua kungenzela tshinyi?

Misambu 89:19

Mu dituku adi wewe wakambila muntu webe uwakananga dî mu tshikena kumona ne, Nakuteka dikuatshisha dianyi hamʼbidi ha muena bukitu, nakubandisha muntu unakusungula munkatshi mua bantu.

Misambu 89:35

Nakaditshiha mu kudijidila kuanyi musangu umue tshiendelele ne, Tshiena ndinga Davidi nansha.

Yirmeya 23:9

Bualu bua baprofete: Mutshima wanyi udi uhandika munda muanyi, mifuba yanyi yonso idi ikanka; ndi bu muntu mukuatshike maluvu, ne bu muntu udi maluvu a nvinyo mahite bukole, bualu bua Yehowa ne bua mei andi a tshijila.

Amosa 4:2

Mukelenge Yehowa wakaditshiha ku buimpe bua tshijila tshiandi ne, Monai, matuku alualua anuhulumunabo ne ndobo bua kuya nʼenu kukuabo, ne bakuabo ba munkatshi muenu badi bashala nebabumushe ne ndobo.

Yoshua 1:6

Ikala ne bukole ne mutshima wa dikima, bualu bua wewe neutahuluke bantu aba buhianyi bua buloba bunakalaya batatuʼabo bua kubahabu.

Yoshua 13:27

ne mu tshibanda, Bete-halama ne Bete-nimema ne Sukota ne Safona, tshituha tshikuabo tshia bukelenge bua Sihona, mukelenge wa Heshebona, ku mukalu wa Yadene tô ne kunfudilu kua mai a Kinelete dishiya dia Yadene ku esete,

Yoshua 17:7

Mukalu wa Bena Manashe wakadi ku Ashê tô ne ku Mikemetata udi ku mpala kua Shekeme; wakayila ku tshianza tshia balume tô ku musoko wa Bena Ene-tapua.

Yoshua 20:7

Bakasungula Kedeshe wa mu Galela wa mu mikuna ya Nafatale, ne Shekeme wa mu mikuna ya Efelayima, ne Kîyata-âba (dina dikuabo ne, Hebelone) wa mu mikuna ya Yuda.

Yoshua 24:1

Yoshua wakasangisha bisamba bionso bia Bena Isalele ku Shekeme, wakabikila bakulu ba Bena Isalele ne bakadi ku mutu kua bisamba ne balumbuluishi babo ne tuhita tuabo; bakadisangisha ku mpala kua Nzambi.

Yoshua 24:32

Bakajika mifuba ya Yosefe, yakalua nʼai Bena Isalele ku Ejipitu, mu Shekeme mu tshituha tshia buloba tshiakasumba Yakoba kudi bana ba Hamo, tatu wa Shekeme, ku bituha lukama bia argent; buakalua buhianyi bua tunkanunuma tua Yosefe.