Misambu 60:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bituikala ne dikuatshisha dia Nzambi, nebenze bienzedi bia bukitu; bualu bua nyeye udi udiatakasha badi nʼetu lukuna muinshi mua makasa andi.

MUKANDA WA MYIDI MUKULU

¹² Amu wewe Mvidi Mukulu ke udi mua kuenza nanku. Kadi wewe kutubenga, kuyi musue kabidi kuenda netu mu mvita.

Misambu 60:12 ပူးပေါင်းရင်းမြစ်များ

2 Samuele 10:12

Nuikale ne dikima; tuikale bu balume mene mene bualu bua bantu betu ne bua misoko ya Nzambi wetu; Yehowa enze biandi malu adi mimpe ku mesu kuandi.

1 Kulondolola 19:13

Muikale ne dikima, tuikale balume mene bualu bua bana betu ne bua misoko ya Nzambi wetu; Yehowa enze malu adi mimpe ku mesu kuandi.

Misambu 118:16

tshianza tshia bukole tshia Yehowa tshiakubandishibua, tshianza tshia bukole tshia Yehowa tshidi tshienza malu a bukitu.

Misambu 144:1

Yehowa, dibue dianyi, avudishibue disanka; udi uyisha bianza bianyi mua kuluanganabi nvita, ne minu yanyi mua kuelayi bielelu bia nvita.

Misambu 44:10

Udi utuhingasha tshianyima bua kunyema badi nʼetu lukuna. Badi nʼetu lukinu badi badinyengela bintu bietu.

Misambu 44:5

Ku dikuatshisha diebe tudi mua kushindika badi nʼetu lukuna hanshi. Mu dina diebe tudi mua kudiata badi babika kutuluisha muinshi mua makasa etu.

Yeshaya 10:6

Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

Yeshaya 63:3

Nakudiata tshikaminu nkayanyi, ne kakuakadi umue wa munkatshi mua bantu wakadi nʼanyi. Bulelela, nakabadiata mu tshiji tshianyi, nakabatua museba hanshi mu njiya yanyi; mashi a mioyo yabo akunsampukila ha bilulu bianyi, nakunyanga bivualu bianyi bionso.

Zekâya 10:5

Nebikale bu bena bukitu mu nvita badi badiata badi nʼabo lukuna mu bitahikidi bia misesu; nebaluangane nvita bualu bua Yehowa udi nʼabo, nebafuishe babandi ba ha nyima ha tuhalu bundu.

Malaki 4:3

Yehowa wa misumba udi wamba ne, Nenudiate bantu babi, bualu bua nebikale bu dinfuenkenya muinshi mua makasa enu mu dituku dindi ngenza malu au.

Yoshua 1:9

Tshiakukuambila, anyi? Ikala ne bukole ne mutshima wa dikima; kutshinyi, kukuatshiki buowa, bualu bua Yehowa, Nzambi webe, udi nʼebe kuonso kuwaya.

Yoshua 14:12

Katataka Umpe bianyi luseke elu lua ku mikuna, bu muakamba Yehowa dituku adi; bualu bua wewe wakunyua dituku adi bu muakadiku Bena Anaka, ne misoko minene ya ngumbu; bikala Yehowa nʼanyi, nembihate, bu muakamba Yehowa.

Didimanyisha 19:15

Muele wa nvita mutuisha udi uhatuka mukana muandi, bua kutaheye nʼau bisamba bia bantu, ne yeye neabakokeshe ne dikombo dia tshiamu; ne yeye udi udiata tshikaminu tshia bukole bua tshishi tshia Nzambi wa Bukole Buonso.