Misambu 56:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Badi badisangisha hamue mu bifufu, badi bangalamina mu busokoko, badi batentekela biendedi bianyi. Bu muakualaminabo muoyo wanyi,

MUKANDA WA MYIDI MUKULU

⁶ Bindi ngamba, badi babiamba muabu munga. Meji abu adi amu a kungenzela bibi.

Misambu 56:6 ပူးပေါင်းရင်းမြစ်များ

Yobe 14:16

Kadi katataka wewe udi ubala bungi bua biendedi bianyi; kuena utentekela bualu bubi buanyi, anyi?

Yobe 16:10

Bakela miau bua bualu buanyi; bakuntaha mahi ku matama hakumpetulabo; badi badisangisha hamue bua kungelela tshifufu.

Yobe 31:4

Yeye kena umona nshila yanyi, kena ubala bungi bua biendedi bianyi bionso, anyi?

Misambu 140:2

Badi bahangidisha malu mabi mu mitshima yabo, badi basonsola bantu bua kuluanganabo nvita matuku onso.

Misambu 37:32

Muntu mubi udi utentekela muntu muakane, udi ukeba kumushiha.

Misambu 57:6

Bakuandila biendedi bianyi bukuondo; muoyo wanyi wakuinamishibua hanshi. Bakunguisha dijimba ku mpala kuanyi, bobo bine bakahona munda muadi.

Misambu 59:3

Bua, mona, badi balamina muoyo wanyi; bena tshimbambila badi badikunguisha hamue bua kutekelabo diyoyo. Yehowa, kambualu bua ditomboka dianyi anyi bua bubi buanyi,

Misambu 71:10

Bualu bua badi nʼanyi lukuna badi bambilangana bualu buanyi, ne badi batentekela muoyo wanyi badi bela tshifufu.

Misambu 89:51

biakutuhendabo nʼabi kudi bantu badi nʼebe lukuna, Yehowa, biakusekabo nʼabi biendedi bia makasa a muntu webe muedibue manyi ha mutu.

Nsumuinu 24:15

Wewe muntu mubi, kualaminyi ku muaba udi muntu muakane mushikame; kunyangi muaba udiye uladila.

Yeshaya 54:15

Mona, biakutekela muntu diyoyo, kadiena difuma kundi; muntu yonso udi ukulekela diyoyo neabutuke bua bualu buebe.

Yirmeya 20:10

Bualu bua nakunvua kusonguela kua bantu ba bungi, buowa ku nseke yonso ne, Numunyoke, ne tuetu netumunyoke, mbu mudibo bamba kudi balunda banyi badi bansue, badi bakeba kumona kudishinda kuanyi; bumue yeye neitabushishibue, nênzeshibue ku bukole, netumuhite bukole, netudisombuele kudiye.

Danyele 6:4

Nunku ba-gouverneur ne miloho bakakeba bualu bua kubanda nʼabu Danyele bua muanda wa mu dikokesha diandi dia bukelenge, kadi kabakamusangana ne bualu anyi dihanga, bualu bua yeye wakamanya mua kueyemenyibua, ne kabakasangana dituhakana anyi dihanga munda muandi.

Matayi 26:57

Bakuatshi ba Yesu bakaya nʼandi kua Kayafa, muakuidi wa Nzambi munene, bafundi ne bakulu ba bantu bakadi badisangisheku.

Matayi 27:1

Hakatshia butuku, bakuidi banene bonso ne bakulu ba bantu bakasangisha dî diabo ne, Tushihai Yesu;

Luke 20:20

Bakamutentekela, bakatuma batentekedi bua kumukuatabo ku mei, bobo bakadi badinga ne, Tudi bantu bakane, bakasua kumufila mu bianza bia ngovena, muena bukokeshi.