Misambu 50:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hawamona muibi, udi usanka bua kuikala nʼandi; ne udi ukuata bulunda ne bendi ba masandi.

MUKANDA WA MYIDI MUKULU

¹⁸ Udi umvuangana ne muivi yonsu uudi umona, udia bulunda ne badi banyanga mbanza ya bende.

Misambu 50:18 ပူးပေါင်းရင်းမြစ်များ

2 Samuele 13:5

Yonadaba wakamuambila ne, Lala ha bulalu buebe bu muntu udi ne disama; halua tatu webe kukutangila, umuambile ne, Ndi nkusengelela ne, Anji kuitabusha bua muanʼetu wa bakashi Tamâ alue bua kundisheye bidia, alongolole bia kudia anu ku mesu kuanyi, bua meme mbitangile, mbidie anu ku tshianza tshiandi.

Yeshaya 5:23

badi babingisha muntu muhila ku mbueshilu, badi bahisha muntu mubinga ku dikosa dibi dia tshilumbu tshiandi!

Lewitiki 20:10

Mulume udi wenda masandi ne mukashi wa mulume mukuabo, nebashihe mulume ne mukashi wake ndeye nʼandi masandi.

Mika 7:3

Bianza biabo bidi ku malu mabi bua kuaenza lukasa; mukokeshi ne mulumbuluishi badi bakeba mbueshilu; muntu munene udi wamba bubi budi mutshima wandi musue kuenza; nunku badi banyanga malu makane hohamue.

Matayi 23:30

nutu nuamba ne, Bu tuetu bikale mu matuku a bankambua betu, katuakadi kubuelakana nʼabo bua kushiha baprofete.

Rome 1:32

Bantu aba, hakamanyabo mukenshi wa Nzambi ne, Bantu badi benza malu â badi bakanangane ne lufu, bobo bine batshidi bênza, ne badi bikalangana kabidi ne dî dimue ne bantu badi bênza.

1 Timote 5:22

Kutentekeshi bianza lubilu ha mutu ha muntu; kuikadi ne buobumue ne bantu bakuabo mu malu mabi abo; ulame butoke bua mutshima webe.

Ebrewu 13:4

Dibaka dikale dinemekibua munkatshi mua bantu bonso, bulalu kabunyanguki; Nzambi nealumbuluishe bena masandi bajike ne bena masandi babake.