Misambu 50:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kadi Nzambi udi webesha muntu mubi ne, Wewe udi ne bukokeshi kai bua kumanyisha bantu mikenji yanyi, anyi bua kubuesha mei a tshihungidi tshianyi mukana muebe?

MUKANDA WA MYIDI MUKULU

¹⁶ Kadi muntu mubi, Mvidi Mukulu udi umuebeja ne: — Muudi utela mikenji yanyi mbishi? Muudi ukimina kuakula bua tshiovu tshianyi mmunyi?

Misambu 50:16 ပူးပေါင်းရင်းမြစ်များ

Misambu 25:14

Bulunda bujalame bua Yehowa budi kudi badi bamutshina, ne yeye udi ubamanyisha tshihungidi tshiandi.

Nsumuinu 26:7

Bu mudi mikolo ya muntu mulema ilemba kayiyi ne bukole, mbu mudi lusumuinu mukana mua bahote.

Yeshaya 29:13

Mukelenge wakamba ne, Bualu bua bantu aba badi basemena hehi nʼanyi ne badi bantumbisha ne mukana muabo ne mishiku yabo, kadi bakumusha mitshima yabo kundi ne idi kule, ne badi bantshina anu bualu bua mukenji wa bantu wakuyilabo mu mitu yabo;

Yeshaya 48:22

Yehowa udi wamba ne, Kakuena ditalala dia bantu babi kuikala nʼadi.

Yezekiyele 18:27

Kadi bialekela muntu mubi bubi buakadiye wenza ne bienzeye malu adi makanangane ne mikenji ne malu adi makane, neahandishe muoyo wandi.

Yowanane 4:24

Nzambi udi Nyuma; budi bamutendeledi nʼabu mbua kumutendelela mu nyuma ne mu bulelela.

1 Korente 9:27

Kadi ndi udikuma tô ne hanavuisha mubidi wanyi mabuba, ndi ngubuesha mu buhika; bua bumue, hanamana kuambila bakuabo bualu bua Nzambi, meme tshikadi mubengibue.

Ebrewu 8:9

Katshiena bu tshihungidi tshinakahunga ne batatu babo Mu dituku dinakabakuata ku tshianza bua kuluhuka nʼabo mu buloba bua Ejipitu; Bualu bua kabakashala mu tshihungidi tshianyi, Ne tshiakabatshuka, Mukelenge udi wamba.

2 Petro 2:15

Hakalekelabo nshila mululame, bakahambuka, bamane kulonda nshila wa Belama, muana wa Beo, wakasua difutu dia bienzedi bibi;