Misambu 5:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu bua kakuena mei mukana muabo atudi mua kueyemena, mitshima yabo idi miule tente ne malu mabi; miminu yabo idi bu nkita mibulula, badi babomba bakuabo ne ndimi yabo.

MUKANDA WA MYIDI MUKULU

⁹ Maweja-Nangila, undudike bua nkumbaje tshiudi musue. Bualu baluishi badi bankengesha. Undeje njila uudi mundongoluele.

Misambu 5:9 ပူးပေါင်းရင်းမြစ်များ

Ezela 8:21

Hashishe nakela mukenji bua tuetu kujila bia kudia ku musulu wa Ahawa, bua tuetu kudihuekesha ku mesu kua Nzambi wetu, ne bua yeye atuleshe ne bana betu bakese ne bintu bietu nshila mululame.

Misambu 27:11

Yehowa, unyishe nshila webe, undombele mu nshila mulandakane, bualu bua bena lukuna banyi.

Misambu 51:6

Mona, wewe udi musue bushuwa buikale munda mua muntu; udi ummanyisha mua kuikala ne meji munda muanyi.

Misambu 52:2

Ludimi luebe ludi luamba malu a kabutu awakuhangidisha, ludi bu dihaya ditue, wewe muenji wa malu a lubombo.

Misambu 62:4

Bantu aba badi bahunga di diabo anu bua kumutuma hanshi ku muaba wandi wa buneme. Badi basanka mu kuamba kua mashimi; badi bavudishila muntu disanka mukana muabo, kadi munda muabo badi bamuela mulau.

Misambu 62:9

Bulelela, bantu bahuekele badi anu muhuya, bantu badi ne buneme bunene badi mashimi. Mu tshiamu tshia kuidikisha nʼatshi bujitu badi babanda kulu; buonso buabo basangisha hohamue badi bahita muhuya kuhehela.

Misambu 64:6

Badi bahangidisha malu mabi, bamba ne, Tuakumana kuhanga tshihangu tshituakuhangila ne budimu. Meji adi munda ne mutshima bia muntu ne muntu bidi ndondo mule.

Misambu 69:19

Wewe udi mumanye bu mudibo bampenda, udi mumanye mudibo banfuisha bundu, ne mudibo bakebesha; bonso badi nʼanyi lukuna badi bamanyibue kudi.

Nsumuinu 29:5

Udi ubomba muena mutumba nʼandi udi wandila makasa andi bukuondo.

Yeshaya 26:7

Nshila wa bantu bakane udi mululame; wewe udi ulandakasha nshila wa bantu bakane.

Yirmeya 17:9

Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?

Yirmeya 4:14

Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Mika 6:12

Bualu bua bantu babanji ba mu musoko eu badi bûle tente ne tshimbambila, ne bena musoko badi bamba malu a mashimi, ludimi luabo ludi anu ne mashimi mukana muabo.

Luke 11:39

Mukelenge wakamuambila ne, Ahu nuenu Bafalese nutu nûvua ha nyima ba luhanza ne dilonga, kadi munda muenu mudi mûle tente ne bunyengi ne malu mabi.

Luke 11:44

Mulau ulualua kunudi, bualu hua nuenu nudi bu nkita idi kayi imueneka, bantu batu batambakenahu kabena baimanye!

Rome 3:13

Muminu wabo udi bu lukita lubulula: Bakashimangana ne ndimi yabo; Lulengu lua nyoka ya ntoka ludi ku mishiku yabo;

1 Tesalonike 2:5

Bualu bua kabakatusangana nasha tshikondo tshimue ne mei a tshianyishanyisha, bu munudi bamanye, anyi ne tshia kubuikila nʼatshi lukuka; Nzambi udi mumanyi wa bualu ebu;