Misambu 5:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua wewe kuena Nzambi udi usanka mu malu mabi; malu mabi kaena mamanye mua kushala nʼebe kaba kamue.

MUKANDA WA MYIDI MUKULU

⁴ Maweja-Nangila, dinda dionsu ndi nkuela lubila. Patshiatshia ndi mfika kuudi, nshala muindile diandamuna diebe.

Misambu 5:4 ပူးပေါင်းရင်းမြစ်များ

1 Kulondolola 29:17

Nzambi wanyi, ndi mumanye kabidi ne wewe udi uteta mitshima ya bantu, udi usanka mu butoke bua mutshima. Meme nakudifidila bintu ebi bionso mu butoke bua mutshima wanyi; nakumona bantu bebe bonso badi kunoko badifidila bintu biabo ne disanka.

Misambu 101:7

Muntu udi wenza malu a kudinga kena ushikama mu nsubu muanyi; muntu udi wamba mei a mashimi kena ujadikibua ku mpala kuanyi.

Misambu 11:5

Yehowa udi uteta muntu muakane; kadi mutshima wandi udi ne muntu mubi ne muntu udi musue malu a tshimbambila lukuna.

Misambu 140:13

Bulelela, bantu bakane nebasakidile dina diebe; badi ne mitshima miakane nebashikame ku mpala kuebe.

Misambu 50:21

Wewe wakuenza malu â, ne meme nakuhuwa talalâ. Wakuela meji munda muebe ne, Nzambi udi bu meme mu malu onso. Kadi ndi ngamba kukubela mpindiu ne kukulondela malu â ku mesu kuebe.

Misambu 63:2

Nunku nakukutangila talalâ mu nsubu webe wa tshijila, bua kumona bukole buebe ne butumbi buebe.

Misambu 88:14

Yehowa, udi umusha muoyo wanyi ku mpala kuebe bua tshinyi? Udi usokoka mpala webe kundi hua tshinyi?

Misambu 92:15

bua kuleshabo bantu ne, Yehowa udi muakane. Yeye udi dibue dianyi dia mutunda, kakuena bualu bubi munda muandi.

Misambu 94:20

Bakokeshi babi badi bahangidisha malu mabi adi alonda mikenji yabo, ba mu tshilumbuluidi tshia malu mabi badi mua kudisangisha nʼebe hamue, anyi?

Abakuke 1:13

Wewe udi ne mesu mahite buakane adi kâyi mua kutangila malu mabi, ne kuena mua kutangila bienzedi biabo bibi tshianana. Nunku bualu kai udi utangila bantu aba hadi benza malu mabi abo a bunsonge, ne udi uhuwa talalâ halua muntu mubi kumina mukuabo udi umuhita buakane?

Malaki 2:17

Nuakutondesha Yehowa ne mei enu. Kadi nudi nukonka ne, Tuakumutondesha munyi? Hanuamba ne, Muntu yonso udi wenza malu mabi udi muakane ku mesu kua Yehowa, ne yeye udi usanka bualu buandi; anyi hanuakonka ne, Nzambi utu walumbulula bilumbu ne kulumbulula kuakane udi kudi kunyi?

Yowanane 14:23

Yesu wakamukudimuna ne, Biansua muntu, nenze dî dianyi; Tatu wanyi neamusue, tuetu netulue kudiye, netuikale ngandi.

Ebrewu 12:14

Nukebe kuheta ditalala ne bantu bonso, ne kujidibua kudi muntu kai nʼaku kena mumanye mua kutangila Mukelenge.

2 Petro 3:13

Kadi bu mudi mulayi wandi tudi tutekemena diulu dihia-dihia ne buloba buhia-buhia mudi buakane buikalemu.

Didimanyisha 21:23

Musoko kawena ukengela diba, anyi ngondo bikenkamu; bualu bua butumbi bua Nzambi budi bûtemenamu, ne Muana wa Mukoko udi muinda wau.

Didimanyisha 21:27

Kakuena tshintu tshia tshianana tshidi tshibuelamu, nasha kakese; nasha muntu udi wenza bualu bubi ne mashimi; kadi anu badi ne mena abo mafunda mu mukanda wa muoyo wa Muana wa Mukoko nebabuelemu.