Misambu 45:2 - Mukanda wa Nzambi Dihungila Dikulukulu ne Dihungila Dihia-dihia 2003

² Wewe udi uhita bana balume ba bantu bonso bulengele; badi bateka kalolo mukana muebe; nunku Nzambi wakukuvudishila disanka tshiendelele.

MUKANDA WA MYIDI MUKULU

² Muoyi wanyi udi muwule ne miaku milenga, pandi nsaka musambu ewu bua mukalenga. Ludimi luanyi ludi luwimba bilenga, amu bu mudi mufundi wa dilambu ukeba kufunda bimpe ne kasala kende.

Misambu 45:2 ပူးပေါင်းရင်းမြစ်များ

Misambu 21:6

E, wewe udi umuvisha bu udibo batamba kuvudishila masanka tshiendelele; udi umusankisha ne disanka dia kuikaleye nʼebe ku mpala kuebe.

Nsumuinu 22:11

Udi munange butoke bua mu tshima, udi ne mei a luse ku mishiku yandi, mukelenge neikale mulunda wandi.

Nsumuinu 5:2

bua wewe kushala ne bukole bua kuhangidisha mianda bimpe, ne bua mishiku yebe ilame lungenyi.

Musambu wa Solomo 2:3

Bu mudi mutshi wa mamuma a pommes munkatshi mua mitshi ya ditu, wanyi munanga udi nunku munkatshi mua bana ba balume. Nakashikama hanshi mu mundidimbi wandi ne disanka dinene, mamuma andi akadi mashemakane mukana muanyi.

Yeshaya 33:17

Mesu ebe neamone Mukelenge mu bulengele buandi, neamone buloba budi bulunguluka tô ne kule.

Yeshaya 50:4

Mukelenge Yehowa wakumpa ludimi lua badi bayila bua meme kumanya mua kukuatshisha muntu muhungile ne dî. Ku dinda ku dinda udi utabala, udi utelejesha ditshu dianyi bua kunvua bianyi bu mudi bayidi bunvua.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Zekâya 9:17

Monai mudi diakalengele diandi ne buimpe buandi bihite bunene! Maminu a blé neadiundishe bansongalume bikole, ne nvinyo muhia-muhia neadiundishe mishikankunde.

Matayi 17:2

Yeye wakakudimuka ku mesu kuabo; mpala wandi wakaditemena bu diba, bilulu biandi biakatoka bu munya.

Luke 4:22

Bantu bonso bakamuvidila, bakakema bualu bua mei a luse akaluhuka mukana muandi, bakakonka ne, Yeye ke muana wa Yosefe, anyi?

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Yowanane 7:46

Tuhalai tuakabakudimuna ne, Kakuakadi muntu kale tô ne katataka wakakula bu mudi muntu eu wakula.

Ebrewu 7:26

Bua muakuidi munene wa nunku wakadi mutukumbane, wa tshijila, kai ne bubi, kai mubiha, mutahuluke kudi bantu babi, muvuishibue ha mutu ha mulu;