Misambu 41:2 - Mukanda wa Nzambi Dihungila Dikulukulu ne Dihungila Dihia-dihia 2003

² Yehowa neamulame, neamukube bua yeye ashale ne muoyo. Nebamubale bu muntu udi muvudishibue disanka ha buloba; ne wewe kumufidi mu bianza bia badi nʼandi lukuna bua bamuenzele bu mudibo basue.

MUKANDA WA MYIDI MUKULU

² Muntu udi uvuluka mupele ne muena dikenga mmuena diakalenga! Maweja-Nangila neamuambuluishe diba didi dikenga dimukuata.

Misambu 41:2 ပူးပေါင်းရင်းမြစ်များ

Misambu 27:12

Kunfidi mu bianza bia bena lukuna banyi bua bangenzele bu mudibo basue; bualu bua bantemu badi ne mashimi badi bajuka bua kumbanda, badi bafunyina ne bukole.

Misambu 33:19

bua yeye asungile mioyo yabo ku lufu, ne bua kubalama bua bikale ne muoyo halua tshiole.

Misambu 37:22

Bualu bua badi Yehowa uvudishila disanka nebahiane buloba, ne badiye wela mulau nebajimishibue.

Nsumuinu 11:17

Muena luse udi wenzela muoyo wandi bimpe, kadi muena lukisu udi ukengesha mubidi wandi.

Nsumuinu 14:21

Udi uhetula muena mutumba nʼandi udi wenza bualu bubi, kadi udi ufuila bena dikenga luse udi ne disanka.

Nsumuinu 19:17

Udi ufuila muhele luse udi usombesha Yehowa bintu; yeye neamuenzele bimpe ku buimpe buakamuenzeleye.

Nsumuinu 31:20

Udi woluela bahele tshianza tshiandi; e, udi woluela bakengi bianza biandi.

Yirmeya 39:17

Kadi Yehowa udi wamba ne Nenkuhandishe mu dituku adi, kuena ufidibua mu bianza bia bantu aha baudi utshina.

Dielulula 14:29

ne Bena Lewi, bualu bua bobo kabena ne tshituha anyi buhianyi kunudi, ne benyi ne bana ba nshiya ne bakashi ba mu lufuila badi ku mbelu kuenu nebalue, nebadie, nebukute; nunku Yehowa, Nzambi wenu, neanuvudishile disanka mu mudimu wonso unudi nuenza ne bianza bienu.

1 Timote 4:8

Bualu bua dikolesha dia mubidi didi ne mushinga muimpe kakese; kadi buimpe bua Nzambi budi ne mushinga muimpe mu malu onso, budi ne mulayi wa muoyo wa mpindiu ne wa muoyo ukadi ha kulua.

Rute 2:19

Mamuenʼandi wakamukonka ne, Wakahumbulula mpumbuluila kudi kunyi lelu? Wakenza mudimu kudi kunyi? Mu ntu au wakakujingulula ikale biandi ne disanka Yeye wakamanyisha mamuenʼandi ne, Muena kunakadi wenza mudimu lelu wakadi Boaza.