Misambu 40:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Ahu meme hanyi ndi muhele ne mukengi, kadi Mukelenge udi wela meji a bualu buanyi. Wewe udi mukuatshishi wanyi ne musungidi wanyi; kujanguluki, Nzambi wanyi.

MUKANDA WA MYIDI MUKULU

¹⁷ Kadi bantu bebe bonsu basanke bikole bualu buebe. Badi bakunanga wewe, Mupandishi, bakutumbishe matuku onsu, bamba ne: “Maweja-Nangila mmunene!”

Misambu 40:17 ပူးပေါင်းရင်းမြစ်များ

Misambu 109:22

Bualu bua ndi muena dikenga ne ndi muhele, ne mutshima wanyi udi mutahika ka mputa munda muanyi.

Misambu 34:4

Nakakeba Yehowa, ne yeye wakitaba kundi, wakansungila ku malu onso anakatshina.

Misambu 34:6

Muena dikenga eu wakadila kudiye, ne Yehowa wakamunvuila, wakamusungila ku makenga andi onso.

Misambu 35:27

Badi basanka bua bualu buanyi buakane bele mbila ne bikale ne disanka. E bambe biabo matuku onso ne, Yehowa atumbishibue, yeye mene udi usanka mu diakalengele dia muntu udi umukuatshila mudimu.

Misambu 40:5

Yehowa Nzambi wanyi, wakuvudisha malu a kukema awakuenza ne malu awakuhangidisha bua kutuenzela, kakuena mukuabo utudi bamanye mua kuelekesha nʼebe. Binakeba kualondolola ne bua kuambila bantu malu â, neampite bua kuabala.

Misambu 54:4

Mona, Nzambi udi mukuatshishi wanyi; Mukelenge udi mukoleshi wa muoyo wanyi.

Misambu 69:33

Bualu bua Yehowa udi unvua dî dia badi bakengela bintu, kena uhetula bantu bandi badi bakuatshibue mu nkanu.

Misambu 70:5

Kadi meme hanyi ndi muntu muhele, ne mukengedi; Nzambi, ulue kundi lukasa! Wewe udi mukuatshishi wanyi ne musungidi wanyi; Yehowa, kujanguluki nansha!

Misambu 86:1

Yehowa, uteleje matshu ebe, witabe kundi, bualu bua ndi muhele, ndi nkengela bintu.

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Yeshaya 41:17

Bahele ne badi bakenga badi bakeba mai, ne kaenaku, ne ha ndimi yabo hadi hatumba kûma bualu bua nyota. Meme Yehowa nengitabe kudibo; meme Nzambi wa Isalele tshiena mbalekela.

Matayi 8:20

Yesu wakamuambila ne, Mibuabua idi ne mena ai, nyunyu ya mulu idi ne masua ai; kadi Muana wa muntu kena ne ha kuladika mutu wandi.

2 Korente 8:9

Nudi bamanye ngasa wa Mukelenge wetu Yesu Kilisto ne, Yeye wakadi mubanshi, kadi wakalua muhele bua bualu buenu, bua nuenu nulue babanshi ku buhele buandi.

Ebrewu 13:6

Nunku, tudi tuamba ne dikima ne, Mukelenge udi mukuatshishi wanyi; tshiena ntshina; Muntu neangenzele tshinyi?

Yakobe 2:5

Unvuai, bana betu bananga; Nzambi kakasungula bahele ba mu bintu bia ha buloba bua kuikalabo babanshi mu ditabusha ne bahianyi ba bukelenge buakalayeye badi bamunanga, anyi?

1 Petro 2:23

hakamuhendabo, yeye kakabahenda kabidi; hakakengeye, yeye kakabakanyina, kadi wakadifila mu bianza bia udi ulumbulula biakane.

1 Petro 5:7

nuteke ntatu yenu yonso kudiye, bualu bua yeye udi unulubulula.

Didimanyisha 22:20

Yeye udi umanyisha malu â udi wamba ne, E, ndi ndua lubilu. Amen; lua, Mukelenge Yesu.