Misambu 4:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Nendale hanshi, nendale tulu mu ditalala kabidi, bualu bua wewe nkayebe, Yehowa, udi unvuishila muaba wa kusomba talalâ.

MUKANDA WA MYIDI MUKULU

⁸ Kadi meme, Maweja-Nangila mmumpeshe disanka, dipite dia bantu badi banowa ntete ya kuenza bukula, nansha badi bapola tumuma tua kukama maluvu.

Misambu 4:8 ပူးပေါင်းရင်းမြစ်များ

Misambu 16:11

Wewe neundeshe nshila wa muoyo. Tshiuwidi tshia masanka tshidi ha buihi nʼebe; masanka adi mu tshianza tshiebe tshia balume tshiendelele.

Misambu 3:5

Nakalala hanshi, nakadila tulu; nakabika ku tulu, bualu bua Yehowa wakundama.

Nsumuinu 3:24

Hawalala hanshi, kuena utshina; bulelela, ha wamana kulala hanshi, tulu tuebe netuikale tuimpe.

Yeshaya 9:2

Bakadi benda mu midima bakumona munya munene; ha bantu bakadi bashikame mu buloba bua mîdima mikole hakatemena munya au.

Yezekiyele 34:25

Nempunge nʼai tshihungidi tshia ditalala, nengumushe nyama ya luonji mu buloba, bua mikoko ishikame talalâ mu tshihela ne bua ilale tulu muitu.

Osheya 2:18

Mu dituku adi kabidi nembahungile tshihungidi ne nyama ya mu mpata, nyunyu ya mulu ne bintu bidi bidikoka hanshi; nentshibule buta ne muele wa nvita ne bielelu bia nvita, nemmumushe mu buloba, nembaladike hanshi kabayi ne ntatu.

Lewitiki 26:5

Tshikondo tshidibo bashehula bintu netshikale tô ne ku tshikondo tshidibo bahuola mamuma a mitshi, ne tshikondo tshidibo bahuola mamuma netshikale tô ne ku tshikondo tshidibo bakuna bintu, nenukute mafu tente ne bia kudia, nenushikame mu buloba buenu talala.

Dielulula 12:10

Kadi hanuasabuka Yadene, hanuashikama mu buloba budi Yehowa, Nzambi wenu, unuhianyisha, udi unuha dikisha kudi bena lukuna bonso badi banunyunguluka, ne nenushikame talalâ.

1 Tesalonike 5:10

wakatufuka, bua tuetu, nasha batabale nasha balale tulu, tuikale ne muoyo hohamue nʼandi.

Didimanyisha 14:13

Nakunvua dî difuma mu diulu diamba ne, Funda ne, Bafue badi bafua mu Mukelenge badi ne disanka katataka tô ne tshiendelele. Nyuma udi wamba ne, E, bua bobo bikishe ku midimu yabo, bienzedi biabo bidi biya nʼabo.