Misambu 37:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Mukana mua muntu muakane mudi muamba mei a lungenyi, ludimi luandi ludi luamba kulumbulula kuakane.

MUKANDA WA MYIDI MUKULU

³⁰ Muntu wa Mvidi Mukulu udi wakula miaku ya meji, umvuija bantu bidi Maweja-Nangila musue.

Misambu 37:30 ပူးပေါင်းရင်းမြစ်များ

Misambu 71:15

Mukana muanyi nemuambile bantu bua bienzedi bia buakane buebe, nembambile bua malu a luhandu luebe dinda tô ne ku dilolo; bualu bua tshiena mumanye bungi buabi.

Misambu 71:24

Ludimi luanyi neluambile bantu bua buakane buebe mu kulumbulula dinda tô ne ku dilolo; bualu bua bakadi bakeba kungenzela bibi bakufuishibua bundu, bakutamuka.

Nsumuinu 10:20

Ludimi lua muntu muakane ludi bu tshiamu tshia argent tshia mushinga mukole, mutshima wa muntu mubi udi wa mushinga mutekete.

Nsumuinu 10:21

Mishiku ya muntu muakane idi idisha ba bungi, kadi badi bahote badi bafua bua dihanga dia lungenyi.

Nsumuinu 10:31

Mukana mua muntu muakane mudi muhatula meji, kadi ludimi ludi luamba mei a kuhambuisha bantu nelukoshibue.

Nsumuinu 15:7

Mishiku ya bena meji idi itangalasha lungenyi, kadi mitshima ya bahote kayena yenza nunku.

Nsumuinu 27:9

Manyi ne manananshi bidi bisankisha muntu; ne mei malengele a mulunda wa muntu adi afuma ku lungenyi luimpe adi amusankisha muomumue.

Matayi 12:35

Muntu muimpe udi uhatula bintu bimpe mu tshibutshilu tshiandi tshimpe; muntu mubi udi uhatula bintu bibi mu tshibutshilu tshiandi tshibi.

Efeze 4:29

Dî dibi kadihatuki mukana muenu; kadi ambai anu mei mimpe adi mua kudiundisha bantu bua kuvuidishila bantu badi baunvua disanka.

Kolose 4:6

Mei enu ikale ne ngasa misangu yonso, matue bu lueho, bua nuenu mimanye mua kuandamuna muntu ne muntu dî.