Misambu 37:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Biendedi bia muntu bidi bijadikibua kudi Yehowa, ne yeye udi usanka bua nshila wandi.

MUKANDA WA MYIDI MUKULU

²³ Maweja-Nangila udi wambuluisha muntu udi umusankisha. Neamuludike mu njila, amushindike.

Misambu 37:23 ပူးပေါင်းရင်းမြစ်များ

Misambu 119:133

Ujadike biendedi bianyi mu dî diebe, kuitabushi bua dihambuka dia ku buakane dinkokeshe.

Misambu 119:5

Bienzedi bianyi bikale bishindame bua meme kutumikila mikenji iwakunfundila!

Misambu 121:3

Yeye kena witabusha bua dikasa diebe diselemuke; utu wakinama kena ulala tulu.

Misambu 121:8

Yehowa neakulame hawahatuka ne hawabuela, ku dituku edi tô ne tshiendelele.

Misambu 17:5

Bienzedi bianyi biakulamata nshila yebe bikole, makasa anyi kâkuselemuka.

Misambu 40:2

Wakampa tula mu dijimba dia kabutu mu bintampi muakadi bitoshi. Wakimanyika makasa anyi ha dibue, wakajadika biendedi bianyi.

Misambu 40:3

Wakateka musambu muhia-muhia mukana muanyi, musambu wa kutumbisha nʼau Nzambi wetu. Bantu ba bungi nebamone luhandu luanyi, nebatshine, nebeyemene Yehowa.

Misambu 85:13

Buakane nebuende ku mpala kuandi, nebuvuishe biendedi biandi nshila wa kuendelamu.

Nsumuinu 11:1

Tshiamu tshidibo bidikisha nʼatshi bujitu tshia mashimi tshidi tshitondesha Yehowa, kadi bujitu budibo bidikisha biakane budi disanka diandi.

Nsumuinu 11:20

Badi ne mitshima ya tshitshu badi batondesha Yehowa, kadi badi bakane tshishiki mu bienzedi biabo badi bamusankisha.

Nsumuinu 16:9

Mutshima wa muntu udi uhangidisha bua kuya ku luendu, kadi Yehowa udi ulombola makasa andi.

Nsumuinu 4:26

Ubatamishile makasa ebe nshila, ne nshila yebe yonso ikale miludika bimpe.

Yirmeya 10:23

Yehowa, ndi mumanye ne nshila wa muntu kena munda muandi; muntu kena ne bukole munda muandi bua kuendesha nʼabu biendedi biandi bimpe.

Yirmeya 9:24

kadi muntu udi utumba atumbile mu bualu ebu ne, Ndi mmujingulula, ndi mumumanye ne, Yeye, Yehowa mene, ngudi wenzesha luse ne kulumbulula kuimpe ne buakane ha buloba. Bua Yehowa udi wamba ne, Ndi nsanka mu malu â.

Ebrewu 13:16

Kadi kanuhu muoyo bua kuenzelangana bimpe ne bua kukuatshishangana; bua Nzambi udi usanka ne milambu ya nunku.

1 Samuele 2:9

Yeye nealame makasa a bantu bandi ba tshijila, kadi neahuwishe bantu babi mu mîdima: bualu bua muntu kena utamba ku bukole buandi.

1 Samuele 29:10

Nunku bika biebe ne dinda dionso, ne bantu ba mukelenge webe bakatua nʼebe: ne hanuabika ne dinda dionso, ne hatoka hanshi, nuye.