Misambu 32:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Wewe udi tshisokomenu tshianyi; neundame bua tshikadi ne dikenga; neunnyunguluke ne misambu ya luhandu.

MUKANDA WA MYIDI MUKULU

⁷ Wewe udi muaba undi mua kusokomena. Udi undama mu dikenga. Neumpandishe, nanku nengele mbila ya disanka.

Misambu 32:7 ပူးပေါင်းရင်းမြစ်များ

2 Samuele 22:1

Mu dituku diakasungila Yehowa Davidi mu bianza bia bantu bakadi nʼandi lukuna ne mu bianza bia Shaula kabidi, Davidi wakimbila Yehowa mei a musambu eu;

Misambu 119:114

Wewe udi tshisokomenu tshianyi ne ngabu wanyi; ndi ntekemena dî diebe.

Misambu 143:9

Yehowa, umpandishe kudi badi nʼanyi lukuna; ndi nyemena kûdi bua kusokoma.

Misambu 18:5

Makuondo a Muaba wa Bafue akanyunguluka, mateyi a lufu akadi ku mpala kuanyi.

Misambu 27:5

Bualu bua halua dituku dia diakabi, yeye neansokoke mu tshisokomenu tshiandi; yeye neansokoke munda mua nsubu wandi wa ntenta, neambandishe, neanshikike ha mutu ha dibue.

Misambu 31:20

Wewe udi ubasokoka mu tshisokomenu tshiebe ku bifufu bidi bantu babelela. Udi ubalama mu musokoko mu tshitandatanda ku matandu adi ahatuka ku ndimi yabo.

Misambu 32:10

Muntu mubi udi ne tunyinganyinga tua bungi, kadi muntu udi weyemena Yehowa udi munyunguluka ne luse lijalame.

Misambu 40:3

Wakateka musambu muhia-muhia mukana muanyi, musambu wa kutumbisha nʼau Nzambi wetu. Bantu ba bungi nebamone luhandu luanyi, nebatshine, nebeyemene Yehowa.

Misambu 5:12

Bualu bua wewe, Yehowa, udi uvudishila muntu muakane disanka; udi amunyunguluka ne diakalengele bu mudibo benza ne ngabu.

Misambu 9:9

Nunku Yehowa neikale tshibumba tshile kudi bantu badi bakengeshibua. Neikale tshibumba tshile kudi bantu mu tshikondo tshia ntatu.

Misambu 91:1

Udi mushikame mu tshisokomenu tshia Nzambi Mutambe Bunene wa mulu neikale mu mundidimbi wa Nzambi wa Bukole Buonso.

Misambu 98:1

Nuimbile Yehowa musambu muhia-muhia, bualu bua wakuenza malu manene a kukema. Tshianza tshiandi tshia balume ne diboko diandi dia tshijila biakumuhetela luhandu.

Yirmeya 36:26

Mukelenge wakela mukenji kudi Yelamele, muana wa mukelenge, ne kudi Selaya, muana wa Azaliele, ne kudi Shelemiya, muana wa Abedele, bua kukuatabo Baluka mufundi ne Yelemiya muprofete, kadi Yehowa wakabasokoka.

Kolose 3:3

Bualu bua nuakafua, ne muoyo wenu udi musokoka ne Kilisto mu Nzambi.

Didimanyisha 7:10

Ne badi bela di dikole, bamba ne, Luhandu ndua kudi Nzambi wetu udi ushikama mu nkuasa wa butumbi, ne kudi Muana wa Mukoko.

Balombodi 5:1

Hashishe Debola ne Balaka, muana mulume wa Abinoama, bakimba musambu dituku adi ne: