Misambu 32:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bua bualu ebu muntu yonso udi unanga Nzambi akulombe mu tshikondo tshidiye mumanye mua kukusangana; bulelela, halua mai manene kuhasalala, kaena afika ha buihi nʼandi.

MUKANDA WA MYIDI MUKULU

⁶ Ke mudi bantu bebe bonsu mua kukutendelela diba dia dikenga. Nansha babuele ne kasuki mu njiwu minene, badi amu bapanda.

Misambu 32:6 ပူးပေါင်းရင်းမြစ်များ

Misambu 144:7

Olola tshianza tshiebe mulu mûdi mushikame, umpandishe, umpatule munda mua mai mavule, mu bianza bia bantu ba bende.

Misambu 4:3

Kadi mimanye ne, Yehowa wakudijidila muntu muakane bua bualu buandi; Yehowa neangunvuile hanamuela dî.

Misambu 40:3

Wakateka musambu muhia-muhia mukana muanyi, musambu wa kutumbisha nʼau Nzambi wetu. Bantu ba bungi nebamone luhandu luanyi, nebatshine, nebeyemene Yehowa.

Misambu 42:7

Ndondo wa mai udi Ubikila ndondo mukuabo hunvueye tshiona tshia bibila biebe. Mavuala ebe ne mambuanka ebe onso akuhita ha mutu hanyi.

Misambu 91:7

Bantu tshinunu badi mua kuhona ku luseke luebe, ne bantu binunu dikumi badi mua kuhona ku luseke lua tshianza tshiebe tshia balume; kadi bualu ebu kabuena bufika ha buihi nʼebe.

Nsumuinu 1:28

Hashishe nebambikile, kadi tshiena ngitaba; nebankebe ne lukunukunu, kadi kabena bansangana.

Yeshaya 43:2

Hawahitshila mu mai, nengikale nʼebe; hawahitshila mu misulu, kayena ihasalala ha mutu hebe; hawahita mu kahia, kuena ushila, ludimi lua kahia kaluena lukuosha.

Yeshaya 49:8

Yehowa udi wamba dî edi ne, Mu tshikondo tshia diakalengele nakitaba kûdi, ne mu dituku dia luhandu nakukukuatshisha; nenkutume, nenkume kudi bantu bu tshihungidi tshiabo, bua kujadika buloba, bua kubahesha mahianyi akadi mashale makolo.

Yeshaya 55:6

Yehowa udi wamba ne, Keba Yehowa haudi mumanye mua kumusangana; umubikidile hatshidiye ha buihi.

Yowanane 7:34

Nenunkebe, kanuena nunmona; kanuena bamanye mua kulua kungikala.

2 Korente 1:4

utu watusamba mu makenga etu onso, bua tuetu tumanye mua kusamba bakuabo mu makenga abo onso ne busambi butudi tusambibua kudi Nzambi.

2 Korente 6:2

bua yeye udi wamba ne, Nakakunvuila mu tshikondo tshimpe, Mu dituku dia luhandu nakakukuatshisha; monai, katataka ntshikondo tshimpe, monai, katataka ndituku dia luhandu.

1 Timote 1:16

Kadi bua bualu ebu nakafuidibua luse, bua munda muanyi bu muntu mubi muhite bakuabo, Yesu Kilisto amueneshe lutulu luandi luonso, bu tshileshilu kudi bantu balua kumuitabusha tô ne ku muoyo wa tshiendelele.

Tite 2:12

utuyisha ne, Hatuahidia malu adi kâi a Nzambi ne nkuka ya ha buloba, tuikale ne meshi mahuekele ne makane ne a Nzambi hatutshidi ha buloba ebu,