Misambu 32:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Hanakadi muhuwe, mifuba yanyi yakafingutuka bualu bua kutua kuanyi kua mikemu dinda tô ne ku dilolo.

MUKANDA WA MYIDI MUKULU

³ Pamvua tshiyi ntonda bubi buanyi, bukole buanyi buvua buenda bukepela, meme kutua mikemu butuku ne munya.

Misambu 32:3 ပူးပေါင်းရင်းမြစ်များ

2 Samuele 11:27

Hakashika madilu, Davidi wakatuma bantu, bakalua nʼandi ku nsubu kuandi; yeye wakalua mukashi wandi, wakamulelela muana. Kadi bualu ebu buakenza Davidi kabuakasankisha mutshima wa Yehowa.

Yobe 3:24

Kuhumuna kuanyi kudi kulua ku mpala kua bia kudia bianyi, ne kutua kuanyi kua mikemu kukole kudi kuhumuka bu mai.

Yobe 30:17

Butuku budi batubula mifuba yanyi, buyihatula hamʼbidi hanyi, makenga adi ankunyakunya, kaena alala hanshi bua kuikisha.

Yobe 30:30

Dikoba dianyi diakulua difike, diakuhuluka, ne mifuba yanyi idi mioshibue ku munya mukole.

Misambu 22:1

Nzambi wanyi, Nzambi wanyi, wakundekela tshinyi? Bualu kai wewe udi aku kule kuyi unkuatshisha, kuyi unvua mei a kutua kuanyi kua mikemu?

Misambu 38:3

Kakuena bukole mu misunyi yanyi bualu bua tshiji tshiebe; kakuena bukole kabidi mu mifuba yanyi bualu bua bubi buanyi.

Misambu 38:8

Nakubanga ne ndi mutshibuke bikole; ndi ntua mikemu bualu bua dihampakana dia mu mutshima wanyi.

Misambu 51:8

Ungunvuishe mei a disanka ne a musangelu mu matshu anyi; bua mifuba iwakutshibula isanke.

Misambu 6:2

Yehowa, unfuile luse, bualu bua ndi ngamba kuteketa; Yehowa, unsangashe, bualu bua mifuba yanyi idi izakala.

Nsumuinu 17:22

Mutshima wa disanka udi buanga hudi busangasha bimpe, kadi muoyo wa muntu udi ne majia udi inuisha mifuba.

Nsumuinu 28:13

Udi usokoka matomboka andi kena wikala ne diakalengele, kadi udi uwatonda, uwalekela, neafuidibue luse.

Yeshaya 51:20

Bana bebe ba balume bakufua tshihuka badi balala hanshi mu masanga a misesu yonso, bu ngulungu mukuate mu bukuondo; badi bûle tente ne tshiji tshia Yehowa, ne kubela kua Nzambi webe.

Yeshaya 57:17

Bua bubi bua lukuka luandi nakadi nʼandi tshiji, nakamukuma, nakasokoka mpala wanyi ne nakadi ne tshiji; kadi yeye wakananukila kuhingana ku nyima mu nshila wakadi mutshima wandi musue kuendela.

Yeshaya 59:11

Tudi tukanga bu nkashama, tudi tudila ne muadi bu nyunyu wa nkutshi; tudi tukeba kulumbulula kuakane, ne kakuenaku; tudi tukeba luhandu, ne ludi kule nʼetu.

Muadi 1:3

Bakuya ne Yuda mu buhika bua kuikaleye ne dikenga ne bua kuenzeye mudimu mukole wa buhika; udi mushikame munkatshi mua bisamba bia bantu, kena uheta dikisha, bakadi bamuihata bakamukuata mu ntatu yandi.

Muadi 3:4

Wakumanyisha munyinyi wa mubidi wanyi ne dikoba dianyi; wakutshibula mifuba yanyi.

Muadi 3:8

Bulelela, banadila, hanakeba dikuatshisha, udi ukanda kulomba kuanyi.

Osheya 7:14

Kabakudia kundi ne mitshima yabo, kadi badi basa muadi ha malalu abo; badi badisangisha hohamue bua kuangata manvua ne nvinyo muhia-muhia, badi bantombokela.

1 Samuele 31:13

Hashishe bakangata mifuba yabo, bakayijika muinshi mua mutshi wa mu Yabesha, bakajila bia kudia tô matuku muanda mutekete.