Misambu 31:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Nengikale ne disanka, nensanke bua luse luebe lujalame, bualu bua wakumona dikenga dianyi, wakumanya malu adi amatshisha mu muoyo wanyi;

MUKANDA WA MYIDI MUKULU

⁷ Ndi mbenga badi batendelela mvidie ya dishima, ndi nkutekemena amu wewe, Maweja-Nangila.

Misambu 31:7 ပူးပေါင်းရင်းမြစ်များ

Nehemya 9:32

Nunku Nzambi wetu munene, Nzambi mukole ne wa dishina, utu walama bihungidi ne luse lujalame, dikenga edi dikole diakatukuata ne bakelenge betu ne bantu betu banene ne bakuidi betu ne baprofete betu ne batatu betu ne bantu bebe bonso kadikadi dikese ku mesu kuebe, ku tshikondo tshia bakelenge ba Ashû tô ne ku dituku edi.

Yobe 10:9

Ndi nkutendekena ne, Uvuluke ne, Wewe wakasumba bu dima; neampingishe mu dinfuenkenya dia buloba kabidi, anyi?

Yobe 23:10

Kadi yeye udi mumanye nshila undi ngendela; ne hamaneye kunteta, nempatuke bu tshiamu tshia or.

Misambu 1:6

Bualu bua Yehowa udi mumanye nshila wa bantu bakane, kadi nshila wa bantu babi neajimine.

Misambu 10:14

Wewe wantangila bualu ebu, bualu bua utu watangila kanyinganyinga ne dikenga, bua kubikanda ku tshianza tshiebe. Udi kayi ne dikuatshisha udi udifila mu bianza biebe; wewe wakumana kuikala mukuatshishi wa bana ba nshiya.

Misambu 119:153

Umone dikenga dianyi, umpandishemu, bualu bua tshiena mpua mikenji yebe muoyo.

Misambu 13:5

Kadi nakueyemena luse luebe; mutshima wanyi neusanke bua luhandu luebe.

Misambu 142:3

Hahanga nyuma wanyi munda muanyi, wewe udi mumanye nshila wanyi. Mu nshila mundi ngendela bakunteya buteyi.

Misambu 25:18

Wele meji a dinyingalala dianyi ne a dikenga dianyi, ne umbuikidile mibi yanyi yonso.

Misambu 71:20

Wewe wakundesha makenga makole a bungi neunsangashe kabidi, neumpatule kabidi mu ndondo wa mu buloba.

Misambu 9:13

Yehowa, unfuile luse, tangila dikenga dindi nʼadi kudi badi nʼanyi lukuna; wewe udi umbisha bua kungumusha ku bibi bia ku lufu;

Misambu 90:14

Ûshe mitshima yetu tente ne luse luebe lujalame ne dinda, bua tuetu tumanye mua kuikala ne musangelu ne disanka matuku etu onso.

Yeshaya 43:2

Hawahitshila mu mai, nengikale nʼebe; hawahitshila mu misulu, kayena ihasalala ha mutu hebe; hawahita mu kahia, kuena ushila, ludimi lua kahia kaluena lukuosha.

Yeshaya 49:13

Diulu, imbaku biebe; buloba, sankaku biebe; nuenu mikuna, bandishai mei enu mu kuimba kua misambu! Bualu bua Yehowa wakusamba bantu bandi, ne neafuile bantu bandi badi bakenga luse.

Yeshaya 63:16

Bualu bua wewe udi Tatu wetu, nansha bikala Abalahama kayi mutumanye, nansha bikala Isalele kayi mutuitabushe bu bana bandi. Wewe, Yehowa, udi Tatu wetu; Muhikudi wetu wa ku tshibangidilu ndina diebe.

Yeshaya 63:9

Mu makenga abo onso yeye wakunvua dikenga, ne muanjelo utu wimana hehi nʼandi wakabasungila; mu dinanga diandi ne mu dibafuila diandi dia luse yeye wakabahikula; wakabambula ne wakabatuala mu matuku onso a kale.

Yirmeya 33:11

nebunvue kabidi dî dia kunaya ne dia disanka, dî dia mubaki wa mukashi ne dia mukashi mubaka, dî dia bantu badi bamba mei abo, haluabo ne milambu ya kusakidila nʼai Yehowa mu nsubu muandi ne, Sakidilai Yehowa wa misumba, bualu bua Yehowa udi muimpe, bua luse luandi ludi lujalame tshiendelele. Yehowa udi wamba ne, Bualu bua nenkudimune buhika bua mu buloba ebu bua kuhingasha diakalengele diakadibu nʼadi diambedi.

Muadi 3:50

tô ne hatangila Yehowa wa mu diulu hanshi, hamoneye malu â.

Muadi 5:1

Yehowa, uvuluke bualu buakutukuata; tangila, umone bu mutudi bakuatshike bundu.

1 Korente 8:3

kadi biananga muntu Nzambi, yeye udi mumanyibue kudi Nzambi.

Ngalate 4:9

kadi katataka, bualu bua nuakumana kumanya Nzambi ne nudi bamanyibue kudi Nzambi, munyi munudi basue kuhingana ku mayisha matekete a kumudilu ne a hatuhu a ha buloba bua kudivuisha bahika kabidi?

2 Timote 2:19

Kadi bishimikidi bikole biakateka Nzambi bidi bijalama, bidi ne tshimanyishilu etshi ne, Mukelenge udi mumanye badi bandi; ne, Muntu yonso udi utela dina dia Mukelenge ûmuke biandi ku malu mabi.