Misambu 30:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Imbilai Yehowa misambu ya kumutumbisha nʼai, nuenu bansanto bandi, sakidilai dina diandi dia tshijila.

MUKANDA WA MYIDI MUKULU

⁴ Wewe kumpatula mu kandondu ka bafue. Nkavua dikasa ku tshiina, wewe Maweja-Nangila kumfululula.

Misambu 30:4 ပူးပေါင်းရင်းမြစ်များ

1 Kulondolola 16:4

Yeye wakasungula Bena Lewi bakuabo bua kuenzelabo mudimu ku mpala kua mushete wa Yehowa, ne bua kutendekenabo ne bua kusakidilabo ne bua kutumbishabo Yehowa, Nzambi wa Isalele;

Misambu 107:20

Wakabatumina dî diandi, wakashikisha masama abo, wakabahandisha mu dibutuka diabo.

Misambu 132:9

Baluatshishe bakuidi bebe ne buakane, bansanto bebe bele mbila bua disanka diabo.

Misambu 148:14

Yeye wakuambuila bantu bandi lusengu, wakudivuisha wa kutumbishibua kudi bansanto bandi bonso, kudi bantu ba mu Isalele badi ha buihi nʼandi. Tumbishai Yehowa!

Misambu 28:1

Kûdi wewe, Yehowa nkundi ngela dî dianyi; dibue dianyi, kuikadi ne bitshi kundi; bua, biwahuwa, kuyi ungunvuila, nengikale bu badi bahueka mu Dijimba dia Bafue.

Misambu 32:11

Nuikale ne disanka mu Yehowa, nusanke bikole, nuenu bantu bakane; elai mbila bua disanka dienu, buonso buenu badi bakane mu mitshima yenu!

Misambu 50:5

Sangishai bienu bantu banyi ba tshijila kundi, bantu aba mene bakuhunga neanyi tshihungidi ku difila dia mulambu.

Misambu 86:13

Bua luse luebe lujalame lûdi undesha ludi lunene; bualu bua wakuhandisha muoyo wanyi ku ndondo wa mu Muaba wa Bafue.

Misambu 97:12

Nusanke bienu mu Yehowa, nuenu bantu bakane; numusakidile hanuavuluka tshijila tshiandi.

Ekesode 15:11

Nganyi udi bu wewe Yehowa, munkatshi mua nzambi mikuabo? Nganyi udi bu wewe, udi ne butumbi bua tshijila, udi utshinyisha bantu ne bienzedi bia butumbi, udi wenza malu a kukema?

Yeshaya 6:3

Bakananukila kuelangana mei, bambilangana ne, Wa Tshijila, Wa Tshijila, Wa Tshijila udi Yehowa wa misumba; buloba buonso budi bûle tente ne butumbi buandi.

Didimanyisha 4:8

Ne bifukibue binai bidi ne muoyo, ku tshintu ne ku tshintu, bidi ne mahuahua asambombo, bidi biûle tente ne mesu mabinyunguluka bam bidi ne munda; kabiena ne dikisha munya ne butuku, biamba ne, Wa Tshijila, Wa Tshijila, Wa Tshijila udi Mukelenge Nzambi wa Bukole Buonso, wakadiku ne udiku ne udi ulua.

1 Samuele 2:6

Yehowa udi ushiha ne udi ufululula kabidi: udi ubatuma ku Muaba wa Bafue, udi ubabisha kabidi.