Misambu 3:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Kadi wewe, Yehowa, udi ngabu udi undama nseke yonso, wewe mbutumbi buanyi ne mujudi wa mutu wanyi.

MUKANDA WA MYIDI MUKULU

³ Bantu ba bungi badi bangamba ne: “Mvidi Mukulu kena mua kumuambuluisha nansha kakese!”

Misambu 3:3 ပူးပေါင်းရင်းမြစ်များ

Genese 15:1

Hakashika malu a, dî dia Yehowa diakalua kudi Abalama mu tshilota ne, Abalama kutshinyi, meme ndi ngabu webe ne difutu diebe ditambe bunene.

Genese 40:13

Hahita matuku asatu, Palô neabishe mutu webe, neakuhingashe mu mudimu webe kabidi, wewe neuhe luhanza lua Palô mu tshianza tshiandi, bu muwakenza diambedi bawakadi mutuadi wandi wa maluvu.

2 Bakalenga 18:30

kanueyemenyi Yehowa bualu hua dî dia Hezikiya ne, Yehowa neatusungile, kabena bafila musoko eu mu bianza bia mukelenge wa Ashû.

2 Bakalenga 18:32

tô ne hanaya nʼenu ku buloba budi bifuana buloba buenu, buloba bua blé ne nvinyo mihia-mihia ne mampa ne mitshi ya tumuma tukese, ne mitshi ya olive ne buitshi; bua nuenu nuikale ne muoyo, kanufu; kanunvu dî dia Hezikiya hanuambileye ne, Yehowa neatusungile.

2 Bakalenga 25:27

Mu tshidimu tshia makumi asatu ne muanda mutekete tshia buhika bua Yehoyakina, mukelenge wa Yuda, mu dituku dia makumi abidi ne muanda mutekete dia ngondo wa dikumi ne ibidi, mu tshidimu tshiakabanga Ewile-melodaka kukokesha mu Babulona, yeye wakabisha mutu wa Yehoyakina, mukelenge wa Yuda, mu nsubu wa lukanu;

Misambu 110:7

Neanue mai ku kasulu kadi mu nshila, nunku neabishe mutu wandi.

Misambu 119:114

Wewe udi tshisokomenu tshianyi ne ngabu wanyi; ndi ntekemena dî diebe.

Misambu 18:2

Yehowa udi dibue dianyi, musoko wanyi wa ngumbu ya nvita, ne musungidi wanyi. Udi Nzambi wanyi, dibue dianyi mundi nnyemenamu. Udi ngabu wanyi, ne lusengu lua luhandu luanyi, tshibumba tshianyi tshile.

Misambu 27:6

Ka yeye neabandishe mutu wanyi mulu mpindiu ha mutu ha bena lukuna banyi badi banyunguluka; nenfile milambu mu nsubu wandi wa ntenta diatshimue ne mbila ya disanka. Nengimbe misambu; e, nengimbile Yehowa misambu bua kumutumbisha nʼai.

Misambu 28:7

Yehowa udi bukole buanyi ne ngabu wanyi; mutshima wanyi wakumueyemena, ndi mukuatshishibue. Nunku mutshima wanyi udi utamba kusanka, nemmutumbishe ne musambu wanyi.

Misambu 4:3

Kadi mimanye ne, Yehowa wakudijidila muntu muakane bua bualu buandi; Yehowa neangunvuile hanamuela dî.

Misambu 62:7

Luhandu luanyi ne butumbi buanyi bidi kudi Nzambi; dibue dia bukole buanyi, ntshinyemenu tshianyi mene, tuai kudi Nzambi.

Misambu 84:11

Bualu bua Yehowa Nzambi udi diba ne ngabu; Yehowa udi uha bantu luse ne butumbi. Kena uhala badi benda mu buakane tshintu tshimpe tshimue.

Yeshaya 45:25

Tunkanunuma tuonso tua Isalele netubingishibue mu Yehowa, neutumbile kudiye.

Yeshaya 60:19

Diba kadiena dikala munya webe mu diba dia munya, ne ngondo kena ukutemena dinkenke; kadi Yehowa neikale munya wa tshiendelele kûdi, ne Nzambi webe neikale butumbi buebe.

Luke 2:32

Munya wamueneka kudi bisamba bia bende Ne butumbi bua Isalele, bantu bebe.

Dielulula 33:29

Bena Isalele, nuenu nudi ne disanka, banganyi badi bu nuenu basungidibue kudi Yehowa! Yeye udi bu ngabu wa dikuatshisha dienu; udi bu muele wa nvita unudi nutamba nʼau bakuabo! Bantu badi nʼenu lukuna nebanukokele, nuenu nenudiate mikuna yabo mu makasa enu.

Didimanyisha 21:11

muikale ne butumbi bua Nzambi; ne dinkenka diau diakafuana dibue dia mushinga mutambe bukole, bu dibue dia yasape, ditoke tô bu ntalatala.

Didimanyisha 21:23

Musoko kawena ukengela diba, anyi ngondo bikenkamu; bualu bua butumbi bua Nzambi budi bûtemenamu, ne Muana wa Mukoko udi muinda wau.