Misambu 3:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ba bungi badiku badi bambila mutshima wanyi ne, Kakuena luhandu luebe kudi Nzambi.

MUKANDA WA MYIDI MUKULU

² Maweja-Nangila, baluishi banyi badi ba bungi. Bantu badi bankina, kabena kubala.

Misambu 3:2 ပူးပေါင်းရင်းမြစ်များ

Misambu 124:2

Bu Yehowa kayi muikale ku luseke luetu, hakajuka bantu bua kutuluisha,

Misambu 22:7

Bonso badi bantangila badi banseka, badi banfunkuna mishiku, badi bakuha mitu, bamba ne,

Misambu 3:4

Ndi ndila kudi Yehowa ne dî dianyi dikole, ne yeye udi witaba kundi ne dî difuma ku mukuna wandi wa tshijila.

Misambu 3:8

Luhandu ludi lufuma kudi Yehowa. Disankisha diebe dikale kudi bantu bebe!

Misambu 4:2

Nuenu bana balume ba bantu, nenuandamune butumbi buanyi bua kuluabu bundu musangu bule bishi? Nenusue malu a hatuhu, nenukebe mashimi musangu bule bishi?

Misambu 4:4

Nuikale ne tshiji, kanuenji malu mabi; nuelangane meji a bualu ebu mu mitshima yenu hanuikala ha malulu enu, ne huwai.

Misambu 42:10

Bu mudibo batshibula mifuba yanyi, bena lukuna banyi badi bampenda, hatshidibo bankonka dinda tô ne ku dilolo ne, Nzambi webe udi hanyi?

Misambu 42:3

Binsonshi bianyi biakulua bia kudia bianyi munya ne butuku, hatshidi bantu bankonka dinda tô ne ku dilolo ne, Nzambi webe udi hanyi?

Misambu 71:11

Badi bamba ne, Nzambi wakunulekela; numuihate, numukuate, bualu bua kakuena muntu wa kumuhandisha.

Abakuke 3:13

Wakahatuka biebe bua kuhandisha bantu bebe, bua kuhandisha muntu webe muedibue manyi ha mutu; wakatshibula musonga wa nsubu wa bantu babi, mumueneshe bishimikidi biandi hatoke tô ne ku mutu kua tshimanu.

Abakuke 3:3

Nzambi wakafuma ku Temena, Wa Tshijila wakafuma ku mukuna wa Palana. Butumbi buandi buakabuikila diulu, buloba buakûla tente ne butumbi buandi.

Abakuke 3:9

Wakumusha buta buebe mu tshilaminu tshiebe. Wakahayika mukete ku mulemu. Wakahanda buloba bua misulu ihueke.