Misambu 28:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua kabena banemeka bienzedi bia Yehowa, anyi mudimu wa bianza biandi, yeye neabashimbule hanshi, kena ubibaka kabidi.

MUKANDA WA MYIDI MUKULU

⁵ Kabena bamona bidi Maweja-Nangila wenza. Nanku Maweja-Nangila abanyoke, ababutule!

Misambu 28:5 ပူးပေါင်းရင်းမြစ်များ

2 Samuele 7:13

Yeye neibakile dina dianyi nsubu, nenjadike nkuasa wa bukelenge buandi tshiendelele.

2 Samuele 7:27

Bualu bua wewe Yehowa wa misumba, Nzambi wa Isalele, wakabulula muntu webe bualu ebu, wamba ne, Nenjadike tshiota tshiebe; nunku muntu webe wakadi ne bualu ebu mu mutshima wandi bua kukutendeleleye ne mitendelelu ei.

1 Bakalenga 11:38

Biunvua mei onso andi nkuambila, biwenda mu nshila yanyi bua kuenza malu adi mimpe ku mesu kuanyi, ne hua kutumikila mei anyi ne mikenji yanyi bu muakenza muntu wanyi Davidi, nengikale nʼebe, nenjadike tshiota tshiebe bulelela, bu munakajadika tshiota tshia Davidi; nenkuhe wewe Bena Isalele.

Misambu 10:5

Bienzedi biandi bidi bimuvuishila diakalengele misangu yonso; kulumbulula kuebe kudi kule kudiye, kudi mesu andi kâyi mua kukumona. Ne mutudi tumona bua bena lukuna bandi bonso, yeye udi ubela muhuya.

Misambu 104:24

Yehowa, mona mudi bungi bua mishindu ya midimu yebe! Wewe wakenza buonso buai ne lungenyi luebe; buloba budi bûle tente ne bintu biwakafuka.

Misambu 8:3

Handi ntangila diulu diebe, didi mudimu wa bianza biebe, ne ngondo ne mitoto biwakufuka;

Yeshaya 22:11

Nuakumbula tshina tshia mai hankatshi ha ngumbu ibidi bua kukuatamu mai a mu tshina tshia diambedi. Kadi kanuakatangila kudi wakavuisha muanda eu, kanuakanemeka wakadihangidishila muanda eu kale.

Yeshaya 40:26

Bandishai mesu enu kulu, numone bienu! Wakafuka bintu ebi nganyi? Nyeye udi uhatula misumba yabi, ubala bungi buabi, ne udi ubuikila buonso buabi mena abi; ne bualu bua bunene bua bukole buandi, ne bualu bua bukole bua bukokeshi buandi, kakuena umue wabi udi uhanga kumueneka.

Yeshaya 45:12

Nakafuka buloha, nakafuka bantu badimu. Bianza bianyi nkayabi biakabaha diulu, ne nakelela bintu biadi bionso mukenji.

Yeshaya 45:18

Bua edi ndî didi Yehowa wakafuka diulu wamba, Nzambi mene wakafuka buloba ne wakabuenza, wakabujadika, kakabufuka bu tshintu tshia hatuhu, wakabufuka bua bantu bashikamehu; yeye mene udi wamba ne, Meme ndi Yehowa, ne kakuena mukuabo nansha.

Yeshaya 45:8

Diulu, witshikishe biebe buakane hanshi ha buloba, ne matutu alokeshe buakane, buloba bunzuluke bua buhatulemu luhandu, bumeneshe nʼalu buakane diatshimue; meme Yehowa nakubufuka.

Yeshaya 5:12

Mu bidia biabo bia disanka badi ne tshisanji ne lunzenze, dikasa ne lujiba, ne maluvu kabidi; kadi kabena belangana meji a bienzedi bia Yehowa, kabena bamona mudimu udiye wenza ne bianza biandi.

Yirmeya 31:4

Nenkuase kabidi, ne wewe newashibue, wewe muana mukashi wa Isalele utshidi kamama. Newangate mazele ebe kabidi, neuluhuke nʼau bua kubuela mu maja a badi basanka.

Osheya 14:9

Udi ne meji ajingulule malu â; udi ne lungenyi lua kuamanya, âmanye biandi; bualu bua nshila ya Yehowa idi milulame; bantu bakane badi bendamu, kadi bantu babi badi badishindamu.

Dibadika 23:23

Bulelela, kakuena muena muhongo munkatshi mua bana ba Yakoba, kakuena batempi ba mbuku munkatshi mua Bena Isalele, katataka nebambile bana ba Yakoba ne Bena Isalele ne, Yehowa wakuenza tshinyi?

Yowanane 12:37

Yeye wakenza bimanyinu bia bungi ku mesu kuabo, kadi kabakamuitabusha;

Rome 1:20

Bua malu andi akadi kâi mua kumueneka katshia buloba buafukibua, bukole buandi bua tshiendelele mene ne bunzambi buandi, adi amueneka bimpe, bualu bua adi ajinguluka ku bintu biakafukibua; nunku kabena ne tshia kudibingisha nʼatshi.

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.