Misambu 28:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Kunkoki bua kuya nʼanyi diatshimue ne bantu babi, diatshimue ne badi benji ba malu mabi; badi bambila bena mutumba nʼabo mei a luvuenge, kadi mu mitshima yabo mudi meji a malu mabi.

MUKANDA WA MYIDI MUKULU

³ Kunteki kaba kamue ne bena tshikisu, badi bakengesha bakuabu, babambila miaku ya ditalala, kadi munda muabu muikale lonji.

Misambu 28:3 ပူးပေါင်းရင်းမြစ်များ

Misambu 10:14

Wewe wantangila bualu ebu, bualu bua utu watangila kanyinganyinga ne dikenga, bua kubikanda ku tshianza tshiebe. Udi kayi ne dikuatshisha udi udifila mu bianza biebe; wewe wakumana kuikala mukuatshishi wa bana ba nshiya.

Misambu 10:7

Mukana muandi mudi mûle tente ne bihendu ne kudinga ne nvita; muinshi mua ludimi luandi mudi lukinu ne malu mabi.

Misambu 12:2

Badi bambilangana mashimi, muntu ne muntu ne muena mutumba nʼandi. Badi bakula ne mishiku ya lubombo ne mitshima ibidi.

Misambu 141:4

Kuinyiki mutshima wanyi ku bualu bubi, ne mu kuenza kuanyi kua bienzedi bibi handi ndamata kudi benji ba malu mabi. Tshidi bianyi bia kudia biabo bilengele.

Misambu 26:9

Kumushi muoyo wanyi musûke ne bantu babi diatshimue, kumushi muoyo wanyi diatshimue ne bantu badi bakeba kumatshisha mashi,

Misambu 36:4

Udi uhangidisha bua kuenza malu a dihambuka halaleye mu bulalu buandi; udi udijadika mu nshila udi kayi muakane; kena ulengulula malu mabi.

Misambu 52:1

Wewe, muena tshinyangu mukole, udi ufuna bulobo mu malu mabi ebe bua tshinyi? Luse lujalame lua Nzambi ludiku matuku onso.

Misambu 55:21

Mukana muandi muakatamba manteke kuikala ne busenu, kadi nvita yakadi mu mutshima wandi. Mei andi akahita manyi kusenunuka, kadi akadi miele ya nvita mihatula mu luhaha.

Misambu 62:4

Bantu aba badi bahunga di diabo anu bua kumutuma hanshi ku muaba wandi wa buneme. Badi basanka mu kuamba kua mashimi; badi bavudishila muntu disanka mukana muabo, kadi munda muabo badi bamuela mulau.

Misambu 7:14

Monai, muntu eu mubi udi utantamana ne malu mabi; wakimita bubi, wakulela mashimi.

Mika 3:5

Yehowa udi wamba dî edi bualu bua baprofete badi babambuisha bantu bandi; badi bamba ne, Ditalala didiku hikalabo bukute; kadi hahanga muntu kubaha tshia kudia, badi balongolola bielelu bua kuya kuluangana nʼandi nvita.

Dibadika 16:26

Yeye wakambila tshisumbu tshia bantu ne, Umukai, ndi nnusengelela, ku ntenta ya bantu aba babi, kanulengi tshintu tshiabo tshianza, kabanushihi bua mibi yabo.

Matayi 25:41

Yeye neambile kabidi badi ku tshianza tshia bakashi ne, Umukai kundi, nudi ne mulau, nuye mu kahia ka tshiendelele kadi katemeshela diabolo ne banjelo bandi;

Matayi 25:46

Bantu aba nebaye mu dikenga dia tshiendelele, kadi bantu bakane nebaye mu muoyo wa tshiendelele.