Misambu 27:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nakulomba Yehowa bualu bumuehele, mbuobu bundi ukebakeba: bua meme kushikama mu nsubu wa Yehowa matuku onso a muoyo wanyi, bua kumona buimpe bua Yehowa, ne bua kuelangana meji a malu a mu ntempelo wandi.

MUKANDA WA MYIDI MUKULU

⁴ Tshimue tshindi njinga menemene, ndomba kudi Maweja-Nangila, se nkusomba mu nzubu wende matuku anyi onsu, nkutumbisha bilenga bidiye mungenzele, nkumanya tshidiye musue.

Misambu 27:4 ပူးပေါင်းရင်းမြစ်များ

2 Samuele 21:1

Tshiole tshiakadi ku buloba mu matuku a Davidi bidimu bisatu bilondangane; Davidi wakebesha Yehowa bualu ebu. Yehowa wakamba ne, Bualu ebu buakalua bua Shaula ne bua mashi akamatshishabo mu nsubu wandi, bualu bua wakashiha Bena Gibeona.

Misambu 23:6

Bulelela, buimpe ne luse nebindonde matuku onso a muoyo wanyi; nengikale mu nsubu wa Yehowa tshiendelele.

Misambu 26:6

Ndi ngowa bianza bianyi tshiyi ne tshilumbu; nunku, Yehowa, ndi nyunguluka tshioshelu tshiebe;

Misambu 26:8

Yehowa, ndi nnanga muaba ûdi mushikame mu nsubu muebe, ne muaba udi butumbi buebe bushikame.

Misambu 27:8

Wewe wakuamba ne, Ukebe mpala wanyi. Mutshima wanyi wakukuambila ne, Yehowa, nenkebe mpala webe.

Misambu 50:2

Mu muaba wandi wa mu Siona, udi mulengele tshishiki, Nzambi udi utema biandi.

Misambu 65:4

Disanka didi kudi muntu udi usungula ne ûdi ufikisha hehi nʼebe, bua ashikame mu biendelu bia tshitendelelu tshiebe! Tuetu netuikale ne mitshima mitalale bua buimpe bua nsubu webe, ntempelo webe wa tshijila.

Misambu 84:10

Bualu bua dituku dimue mu biendedi bia mu tshitendelelu tshiebe didi dihita matuku tshinunu a kukuabo buimpe. Nakadi kusungula bua kuimana ku mbelu kua nsubu wa Nzambi wanyi ku mpala kua kushikama mu ntenta ya malu mabi.

Misambu 84:4

Disanka didi kudi bantu badi bashikame mu nsubu muebe! Batshidi bakutumbisha.

Misambu 90:17

Dianyisha dia Mukelenge Nzambi wetu dikale kutudi, utujadikile mudimu wa bianza bietu; e, bulelela, ujadike mudimu wa bianza bietu tshishiki.

Yirmeya 29:13

Nenunkebe ne nenumpete, hanuankeba ne mitshima yenu mijima.

Danyele 9:3

Nakatangisha mpala wanyi kudi Mukelenge Nzambi bua kumukeba mu kulomba ne kutendekena, mu kujila kua bia kudia, mu kuluata kua bilulu bikayabala ne mu kulaba kua butue.

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Matayi 6:33

Kadi diambedi kebai bukelenge buandi ne buakane buandi, nunku nebanuhe bintu ebi bionso.

Luke 10:42

tudi anu ne tshintu tshimue bualu; Malia wakusungula luseke ludi luimpe, kabena bamanye mua kumunyengalu.

Luke 13:24

Nuidikishe mua kubuela ku mushiku wa mbelu mubumbakane; ndi nuambila ne, Ba bungi nebakebe kubuelaku, nebahange.

Luke 18:1

Yeye wakabelela lusumuinu bua kubamanyisha ne, Mbimpe bia nuenu kutendelela Nzambi matuku onso, kanuhangi;

Luke 2:37

wakashala mu lufuila bidimu makumi muanda mukulu ne binai; yeye kakumuka mu ntempelo, wakatendelela Nzambi butuku ne munya, ujila bia kudia, umulomba.

2 Korente 3:18

Kadi buonso buetu, katui ne tshilulu tshikudika ha mpala, tudi tutangila bu mu ludimuenu butumbi bua Mukelenge, tudi tuandamushibua mu tshifuanyikishi tshiotshimue ku butumbi ne ku butumbi; bu mudi kudi Mukelenge Nyuma.

2 Korente 4:6

Bualu bua Nzambi nguakamba ne, Munya neuteme mu mîdima; yeye wakatema mu mitshima yetu bua kutuha dinkenka dia lungenyi lua butumbi bua Nzambi ha mpala ha Yesu Kilisto.

Filipe 3:13

Bana betu, tshiena ndibala bu muntu wakamana kubukuata; kadi ndi ngenza bualu bumue: Handi mpua muoyo bua malu a ku nyima, handi ndobelela ku malu adi ku mpala,

1 Timote 5:5

Mukashi udi ne lufuila lua bushua ne udi ha nkayandi, udi utekemena Nzambi, ne udi unanukila mu kusengelela ne mu kulomba kuandi butuku ne munya

Ebrewu 11:6

Ne bikalaku kakui ditabusha, muntu kena mua kumusankisha; bualu bua muntu udi ulua kudi Nzambi budiye nʼabu mbua kuitabusha ne, Yeye udiku, ne udi mufutshi wa badi bamukeba.

1 Samuele 1:11

Yeye wakaditshiha, wakamba ne, Yehowa, biwatangila kunyingalala kua muntu webe mukashi, biwanvuluka, biwikala kuyi uhua muntu webe mukashi muoyo, kadi biwaha muntu webe mukashi muana mulume, meme nemmufile kudi Yehowa matuku andi onso a muoyo wandi: dihaya kadiena dibeya ku mutu wandi.

1 Samuele 22:10

Yeye wakebesha Yehowa bualu buandi, wakamuha bintu bia kudia ne muele wa nvita wa Goleyata, Muena Peleshete.

1 Samuele 30:8

Davidi wakebesha Yehowa ne, Binalonda tshisumbu etshi mu nshila, nembahete, anyi? Yeye wakamukudimuna ne, Ubalonde, wewe neubahete, kuena uhanga kuhingisha bintu bionso.