Misambu 24:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Ambulai mitu yenu, nuenu bibi bia musoko; banuambule, nuenu bibi bia kale, bua Mukelenge wa Butumbi abuelemu!

MUKANDA WA MYIDI MUKULU

⁷ Biibi, unzulukayi, shiyayi muaba munene! Kangulayi ne biibi bia kale! Mukalenga munene ukadi ufika!

Misambu 24:7 ပူးပေါင်းရင်းမြစ်များ

2 Samuele 6:17

Bakalua ne mushete wa Yehowa, wakauteka mu muaba wau mu ntenta wakawashila Davidi. Davidi wakahia milambu ya kuosha ha kahia ne ya kuvuisha nʼai ditalala ku mpala kua Yehowa.

1 Bakalenga 8:11

nunku bakuidi kabakamanya mua kuenza midimu yabo bualu bua ditutu edi; bualu bua butumbi bua Yehowa buakûsha nsubu wa Yehowa tente.

1 Bakalenga 8:6

Bakuidi bakalua ne mushete wa tshihungidi tshia mei a Yehowa mu muaba wau wa tshijila wa mu nsubu, ku muaba mutambe wa tshijila muinshi mua mahuahua a bakeluba.

Misambu 132:8

Juka biebe, Yehowa, uye ku tshikishilu tshiebe, wewe muine ne mushete wa tshihungidi wa bukole buebe.

Misambu 21:1

Yehowa, mukelenge neasanke mu bukole buebe, ke, mudiye usanka bikole bua luhandu luebe!

Misambu 21:5

Butumbi buandi budi bunene bualu bua luhandu luebe, udi uteka buneme ne butumbi hamʼbidi handi.

Misambu 97:6

Bia mu diulu bidi bimanyisha bantu buakane buandi, ba ha buloba bonso bakumona butumbi buandi.

Yeshaya 26:2

Unzululai bibi, bua ba mu tshisamba tshia bantu bakane badi balamata ditabusha babuelemu.

Yeshaya 62:10

Hitai, hitai mu bibuelelu, longoluelai bantu nshila; elai, elai mabula mu tshibebe, umushaimu mabuo, bandishilai bantu dibendela.

Mika 4:8

Wewe, tshibumba tshia balami ba mikoko yanyi, mukuna wa muana mukashi wa Siona, bukokeshi nebufike kûdi; e, bukokeshi buwakadi nʼabu diambedi nebufike kûdi, bukelenge bua muana mukashi wa Yelushalema.

Agayi 2:7

Yehowa wa misumba udi wamba ne, Nenzakashe bisamba bionso, ne meme nengûshe nsubu eu ne butumbi tente. Yehowa wa misumba udi wamba dî edi.

Agayi 2:9

Yehowa wa misumba udi wamba ne, Butumbi bua nsubu eu bua matuku alualua nebuhite butumbi buandi bua diambedi bunene; mu muaba eu nempeshe bantu ditalala.

Malaki 3:1

Yehowa wa misumba udi wamba ne, Monai, ndi ntuma messager wanyi, yeye nealongolole nshila ku mpala kuanyi; Mukelenge unudi nukeba nealue lubilu mu ntempelo wandi, messager wa dihungila, unudi nʼandi disanka, monai mudiye ulua!

Marke 16:19

Hakabambila Mukelenge Yesu nunku, wakangatshibua mu diulu, wakashikama ku tshianza tshikole tshia Nzambi.

1 Korente 2:8

Kakuakadi umue wa bakokeshi ba tshikondo etshi wakuamanya; bua bu bobo bâmanye, kabakadi kushiha Mukelenge wa butumbi ku mutshi mutshiamakane.

Yakobe 2:1

Bana betu, kanuikadi ne ditabusha dia Mukelenge wetu Yesu Kilisto, Mukelenge wa butumbi, ne kansungunsungu kudi bantu.

1 Petro 3:22

udi ku tshianza tshia bukole tshia Nzambi, mumane kubuela mu diulu; banjelo ne makokeshi ne makole biakavuishibua ku nyima kuandi.

2 Petro 3:18

Kadi nudiunde mu ngasa ne mu dimanya bia Mukelenge wetu ne Musungidi Yesu Kilisto. Butumbi buikale kudiye katataka tô ne ku dituku dia tshiendelele. Amen.

Didimanyisha 4:11

Wewe, Mukelenge wetu ne Nzambi wetu, udi muakane bua kuangata butumbi ne buneme ne bukole; bualu bua wewe wakafuka bintu bionso, ne bualu bua disua diebe biakadiku, ne biakafukibua.