Misambu 24:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Buloba budi bua Yehowa ne tshiuwidi tshiabu, buloba buine ne badi bashikamamu.

MUKANDA WA MYIDI MUKULU

¹ Musambu wa mu mukanda wa misambu ya Davide. Bantu ne bintu bionsu mbia Maweja-Nangila, buloba ne bidipu bionsu mbiende yeye.

Misambu 24:1 ပူးပေါင်းရင်းမြစ်များ

1 Kulondolola 29:11

Yehowa, bunene ne bukole ne butumbi ne kutamba ne bulengele butambe mbiebe; bualu bua bintu bionso bia mu diulu ne bia ha buloba mbiebe; Yehowa, bukelenge mbuebe, ne wewe udi ubandishibua ku mutu kua bionso.

1 Kulondolola 29:16

Yehowa Nzambi wetu, bintu ebi bionso bituakulongolola bua kukuibakila nʼabi nsubu wa dina diebe dia tshijila biakafuma mu tshianza tshiebe, bionso bidi biebe mene.

2 Kulondolola 25:9

Amasaya wakakonka muntu wa Nzambi ne, Netuenze tshinyi ne ntalanta ai lukama inakafuta Bena Isalele? Muntu wa Nzambi wakamuambila ne, Yehowa udi mua kukuha bintu bidi bihita ebi bungi.

Yobe 34:13

Wakamuha bukokeshi ha mutu ha buloba nganyi? Wakamuha buloba bujima bua yeye kubulama nganyi?

Yobe 41:11

Muntu kai wakadianjila kumpa tshintu, bua meme mmufute kabidi? Bintu bionso bidi muinshi mua diulu mbianyi.

Yobe 41:3

Yeye neakutendekene ne mitendekenu ya bungi, anyi? Neakule hebe ne mei a kalolo, anyi?

Misambu 50:10

Bualu bua nyama yonso wa muitu nguanyi, bimuna bia ha mikuna tshinunu mbianyi kabidi.

Misambu 50:12

Bu meme muikale ne nzala, tshiakadi kukuambila; bualu bua buloba mbuanyi ne tshiuwidi tshiabu tshionso ntshianyi.

Misambu 89:11

Diulu ndiebe, buloba mbuebe kabidi; wewe muine wakasa buloba ne bintu bionso bidimu.

Misambu 89:12

Wewe wakafuka luseke lua ku nôde ne lua ku sude; mukuna wa Tabô ne wa Hêmona idi isanka bua dina diebe.

Misambu 98:7

Mai manene enze tshiona ne bionso bidimu biele bibila, buloba bua bantu ne bonso badi bashikamemu biele mbila.

Ekesode 19:5

Binuatumikila dî dianyi, ne binuanemeka tshihungidi tshianyi, nuenu nenuikale bantu banyi ba munkatshi mua bantu bonso, bualu bua buloba buonso mbuanyi.

Ekesode 9:29

Mose wakamuambila ne, Hanaluhuka mu musoko eu, nengolole bianza bianyi kudi Yehowa, makubakuba neashike, mabue a nvula neashike kabidi, bualu bua kukumanyisha ne buloba budi bua Yehowa.

Danyele 4:25

nebakuihate munkatshi mua bantu, neushikame ne nyama ya mu mpata, neudie mashinde bu mudi ngombe idia; neuboleshibue ne dibungi dia mulu. Bidimu muanda mutekete nebihie tô ne hawamanya ne, Mutambe Bunene wa mu diulu udi ukokesha bukelenge bua bantu, ne udi ubuhesha muntu yonso udiye musue.

Mika 4:13

Bika biebe, ubashihule, wewe muana mukashi wa Siona, bualu bua nenvuishe lusengu luebe tshiamu, nenvuishe mikono yebe tshiamu tshia mitaku; ne wewe neuboteshe bantu ba bungi; neujidile luhetu luabo kudi Yehowa, ne biuma biabo kudi Mukelenge wa buloba buonso.

Nahume 1:5

Mikuna minene idi ikanka ku mpala kuandi, mikuna mikese idi ivingutuka Buloba budi bubutuka ku mpala kuandi, buloba bujima ne bonso badi bashikamemu.

1 Korente 10:26

bualu bua buloba mbua Mukelenge ne tshiuwidi tshiabu.

Dielulula 10:14

Tangilai, Yehowa udi muena diulu dikuabo didi ku nyima kua diulu, ne muena buloba ne bintu bionso bidimu.