Misambu 22:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi meme hanyi ndi munanyi, tshiena muntu; ndi tshidibo bahetula kudi bantu, ndi mulenguludibue kudi bantu.

MUKANDA WA MYIDI MUKULU

⁶ Bavua bakubikila, wewe kubapikula. Bavua bakutekemena, kabayi bashala ku bundu!

Misambu 22:6 ပူးပေါင်းရင်းမြစ်များ

2 Kulondolola 14:11

Asa wakadila kudi Yehowa Nzambi wandi, wakamba ne, Yehowa, kakuena mukuabo bu wewe udi mua kukuatshisha badi ne bukole ne badi kabayi ne bukole; utukuatshishe, Yehowa Nzambi wetu; bualu bua tuetu tudi tukueyemena, tuakuluila mu dina diebe bua kuluangana ne tshisumbu etshi tshinene. Yehowa, wewe udi Nzambi wetu; kuitabushi bua bantu bakuhite bukole.

Yobe 25:6

Monai mudi muntu mutambe kukeheshibua, udi bu tshikusu, ne mudi muana wa muntu mukeheshibue, udi bu musanda!

Misambu 25:3

Bulelela, nansha umue wa badi bakuindila neafuishibue bundu; nebafuishe badi benzela bantu malu a bunsonge hatuhu bundu.

Misambu 31:1

Yehowa, ndi nnyemena kûdi; kuitabushi bua meme kufuishibua bundu kashidi, unsungile bua buakane buebe.

Misambu 31:11

Nakulua muntu wa kubishabo tshihendu kudi badi nʼanyi lukuna, nakutamba kulua tshihendu kudi bena mutumba nʼanyi, ne bu tshintu tshia kubakuatshisha buowa kudi bilongo bianyi. Badi batangila ha bule ha nsubu badi banyema.

Misambu 41:5

Badi nʼanyi lukuna badi bamba mei mabi bua bualu buanyi ne, Yeye neafue diba kai, ne dina diandi nedijimine diba kai?

Misambu 88:8

Wakumusha balunda banyi kundi, wakubateka kule; wakunvuisha tshintu tshia bobo kukenuka. Ndi mukomena, tshiena mua kuluhukamu.

Yeshaya 41:14

Kutshinyi, wewe Yakoba, tshishishi, ne nuenu Bena Isalele! Nenkukuatshishe, ndi dia Yehowa, Muhikudi webe, Wa Tshijila wa Isalele.

Yeshaya 49:7

Yehowa, Muhikudi wa Isalele ne Wa Tshijila wandi, udi wambila muntu udibo bahetula kudi bantu, udibo bakenuka kudi bantu, udi muhika wa bakokeshi babi, ne, Bakelenge nebamone butumbi buebe, nebajuke; bana ba bakelenge nebajuke kabidi, nebakukukuile hanshi; bualu bua Yehowa utudi mua kueyemena, Wa Tshijila wa Isalele, wakukusungula.

Yeshaya 53:3

Bakamulengulula, bakamulekela kudi bantu; wakadi muena kanyinganyinga, wakamanya makenga; wakadi bu muntu udi bantu basokoka mpala yabo kudiye, wakadi muhetudibue, ne katuakumuanyisha nansha.

Muadi 3:30

Afile ditama diandi kudi udi umututa; ukutshishibue tente ne bihendu.

Matayi 11:19

Muana wa muntu wakulua udia bidia, unua maluvu; badi bamba ne, Yeye udi muena mudi, udi mukuatshiki wa maluvu, udi mulunda wa basangishi ba mulambu ne wa bantu babi. Bienzedi bia lungenyi bidi bilujadika.

Matayi 12:24

Kadi hakunvua Bafalese dî edi, bakamba ne, Muntu eu kena udiumushila bademon, anu mu dina dia Belezebula, mukelenge wa bademon.

Yowanane 7:15

Bena Yuda bakakema ne, Muntu eu udi mumanye mikanda, kai muanze kuiyila, munyi?

Yowanane 7:20

Bantu bakamukudimuna dî ne, Udi ne demon munda, udi ukeba kukushiha nganyi?

Yowanane 8:48

Bena Yuda bakamuebesha ne, Katuena tuamba bulelela ne, Wewe udi Muena Samalea, udi ne demon munda, anyi?

Ebrewu 13:12

Nunku, Yesu kabidi, bua kujidileye bantu ne mashi andi, wakakenga ha bule ha tshibi tshia musoko.

Didimanyisha 15:3

Badi bimba musambu wa Mose, muhika wa Nzambi, ne musambu wa Muana wa Mukoko, bamba ne, Mukelenge Nzambi wa Bukole Buonso, midimu yebe idi minene ne ya dikema. Wewe, Mukelenge wa bikondo, nshila yebe idi miakane ne ya bulelela.