Misambu 20:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Netuele mbila ya disanka bua luhandu luebe mu nvita yetu, ne mu dina dia Nzambi wetu netuimanyike mabendela etu. Yehowa akushikishile milombu yebe yonso.

MUKANDA WA MYIDI MUKULU

⁵ Akupe bionsu biudi ujinga, akumbaje biudi wipatshila!

Misambu 20:5 ပူးပေါင်းရင်းမြစ်များ

Misambu 118:15

Mbila ya disanka ne ya luhandu lua mu nvita idi yunvuika mu nsubu ya ntenta ya bantu bakane; tshianza tshia bukole tshia Yehowa tshidi tshienza malu a bukitu;

Misambu 13:5

Kadi nakueyemena luse luebe; mutshima wanyi neusanke bua luhandu luebe.

Misambu 19:4

mukunda wabi udi uya mu miaba yonso ya ha buloba, ne mei abi adi aya tô ne kunfudilu kua buloba. Munkatshi muabi muakashimikileye diba nsubu wa ntenta,

Misambu 21:1

Yehowa, mukelenge neasanke mu bukole buebe, ke, mudiye usanka bikole bua luhandu luebe!

Misambu 21:3

Bualu bua udi umuakidila ne masanka mimpe; udi wasa tshifulu tshia bukelenge tshia or wa mushinga mukole ha mutu handi.

Misambu 35:9

Ka muoyo wanyi newikale ne disanka mu Yehowa, neusanke mu luhandu luandi.

Misambu 60:4

Wakatumikila badi bakunemeka dibendele, bua bobo banyemeneku ku mpala tua buta.

Misambu 9:14

bua meme kumanyisha bantu bua butumbi buebe buonso, bua meme kusanka bua luhandu luebe ku bibi bia muana wa bakashi wa Siona.

Ekesode 17:15

Mose wakashila tshioshelu, wakidika dina dia tshi ne, Yehowa-nisi,

Yeshaya 11:10

Hashishe mu dituku adi Lutonga lua ku miji ya Yishai neluimane bialu bu dibendela dia kusangishaku bisamba bia bantu. Ba mu bisamba ebi nebaye kudiye bua kumulomba lungenyi, ne muaba udiye mushikame newikale wa butumbi.

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Mika 4:5

Bualu bua ba mu bisamba bionso batshidi benda muntu ne muntu mu dina dia nzambi wandi; kadi tuetu netuende mu dina Yehowa Nzambi wetu tshiendelele.

Abakuke 3:18

kadi meme hanyi nensanke mu Yehowa, nentumbile mu Nzambi wa luhandu luanyi.

Luke 1:47

Mutshima wanyi wakutamba kusanka mu Nzambi, Musungidi wanyi.

1 Samuele 1:17

Hashishe Eli wakamukudimuna ne, Ya biebe talalâ, Nzambi wa Isalele unvue biandi kulomba kuwakumulomba.

1 Samuele 17:45

Hashishe Davidi wakambila Muena Peleshete ne, Wewe udi ulua kundi ne muele wa nvita ne difuma ne difuma dia kabenda, kadi meme ndualua kudi mu dina dia Yehowa, Nzambi wa bena nvita ba Bena Isalele uwakafunyina bulobo ku mpala kuandi.