Misambu 18:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakinamisha diulu kabidi, wakahueka biandi hanshi; midima mikole yakadi muinshi mua makasa andi.

MUKANDA WA MYIDI MUKULU

⁹ Muinshi kupatuka mu diulu diende, kapia ka tshinyangu mukana muende, kela tuntolentole, kosha.

Misambu 18:9 ပူးပေါင်းရင်းမြစ်များ

2 Samuele 22:10

Yeye wakatubula diulu kabidi wakahueka hanshi; mîdima mikole yakadi munda mua makasa andi.

Misambu 50:3

Nzambi wetu udi ulua, kena uhuwa talalâ, kahia kadi ku mpala kuandi kadi kosha bintu, tshihuhu tshitambe bukole tshidi tshimunyunguluka.

Misambu 68:4

Imbilai Nzambi misambu, imbidilai dina diandi misambu ya kumutumbisha nʼai. Buwai nshila bualu bua yeye ulualua kuhita mu bihela; dina diandi nYehowa; tumbilai bienu ku mpala kuandi.

Misambu 97:3

Kahia kadi kadianjila ku mpala kuandi, kudi kosha bena lukuna bandi, ka banyunguluka nseke yonso.

Ekesode 19:18

Mukuna wa Sinai wonso wakadi ne muishi, bualu bua Yehowa wakahueka ha mutu hau mu kahia, muishi wakabanda bu muishi wa tshikutu, mukuna wonso wakakanka bikole.

Yeshaya 51:6

Bandishai mesu enu mu diulu, tangilai buloba muinshi muadî; bualu bua diulu nedijimine bu muishi, buloba nebusunsuke bu tshilulu, ne badi bashikamemu nebafue bu tuishi; kadi luhandu luanyi neluikaleku tshiendelele, ne buakane buanyi kabuena bumushibue.

Yeshaya 66:15

Bua, monai, Yehowa nealue mu kahia, ne makalu andi a nvita neâlue bu nvunde, bua kulesheye njiya yandi ne tshiji tshikole, ne kulesheye kubela kuandi ne ndimi ya kahia.

Yowele 3:16

Yehowa udi wela dî diandi dikole difume ku Siona, udi wela dî diandi bu mukungulu wa nvula difume ku Yelushalema; diulu ne buloba bidi bikanka. Kadi Yehowa udi tshinyemenu kudi bantu bandi, udi bu musoko wa ngumbu kudi Bena Isalele.

Matayi 24:29

Hashika dikenga dia matuku au, diba nedifikuluke, ngondo kena ukenka, mitoto neituke mûlu, neihone, nebanyukule bukole buakadi buendesha bintu ebi mu diulu;

Marke 15:33

Midima yakadi ha buloba buonso munda munya tô ne diba ha isatu.

Yowanane 13:7

Yesu wakamukudimuna ne, Wewe kuena mumanye bundi ngenza katataka, kudi neujingulule ku nyima.

Dielulula 33:26

Yeshuluna, kakuena mukuabo bu Nzambi, udi ushikama biandi mu diulu bua kukukuatshisha: bulengele buandi budi ku mutu kua matutu.

Ebrewu 12:26

Dî diandi diakazakasha buloba tshikondo atshi, kadi katataka wakutulaya wamba ne, Musangu umue mukuabo kabidi meme nenzakashe, kembuloba nkayabu, kadi diulu kabidi.

2 Petro 3:10

Kadi dituku dia Mukelenge dilualua bu mudi muibi; mu dituku adi diulu nedijimine ne diyoyo dinene, ne bintu bia mu diulu nebifingutuke ne kahia kakole, ne buloba ne bintu bidimu nebihie.

Didimanyisha 20:11

Nakatangila nkuasa wa butumbi mimene mutoke, ne wakadi ushikamahu, wakanyemabo kudi buloba ne diulu ku mpala kuandi, ne kabakabisangena muaba kabidi.