Misambu 18:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yehowa wakanfuta difutu diakadi dikumbana buakane buanyi; wakampingashila difutu bu muakadi butoke bua bianza bianyi.

MUKANDA WA MYIDI MUKULU

²⁰ Maweja-Nangila kumpatula mu njiwu. Bu mudiye munnange, kunsungidilaye.

Misambu 18:20 ပူးပေါင်းရင်းမြစ်များ

Yobe 22:30

Neabandishe muntu mene udi kayi mubingishibue, e, neanuhandishe bua butoke bua bianza biebe.

Yobe 36:16

E, wakasua kukukoka bua kukumusha mu makenga, bua kulua nʼebe mu muaba munene udi kauyi mubumbakane; ne bintu bidibo bateka ha mesa hebe bidi ne manyi tente.

Misambu 118:5

Mu makenga anyi nakabikila Yehowa; Yehowa wakitaba kundi, wakansulula, wakanteka mu muaba munene.

Misambu 18:24

Bua malu â Yehowa wakanfuta bu muakadi buakane buanyi ne bu muakadi butoke bua bianza bianyi ku mesu kuandi.

Misambu 24:4

Nyeye udi ne bianza bidi kabiyi bienza bualu bubi ne udi ne mutshima mutoke, udi kayi mubandishile muoyo wandi ku malu a mashimi, udi kayi muditshihe mitshihu bua kudingeye nʼai.

Misambu 26:6

Ndi ngowa bianza bianyi tshiyi ne tshilumbu; nunku, Yehowa, ndi nyunguluka tshioshelu tshiebe;

Misambu 31:9

Unfuile luse, Yehowa, bualu bua ndi mu dikenga; mesu anyi adi mondoke ne tshinyanu bualu bua kanyinganyinga, muoyo wanyi ne mubidi wanyi bidi bienza nunku kabidi.

Misambu 58:11

Nunku bakua bantu nebambe ne, Bulelela, difutu didiku bua muntu muakane; bulelela, Nzambi udiku udi ulumbulula bilumbu ha buloba.

Misambu 7:3

Yehowa, Nzambi wanyi, bingikala muenze bualu ebu; bingikala ne bualu bubi mu bianza bianyi;

Misambu 7:8

Yehowa udi ulumbuluisha bantu ba ha buloba. Undumbuluishe meme, Yehowa, bu mudi buakane buanyi ne bu mudi butoke bua mutshima wanyi.

Nsumuinu 11:18

Muntu mubi udi wangata difutu didi dimudinga, kadi udi ukuna buakane udi uheta difutu dia bushuwa.

Yeshaya 49:4

Kadi meme nakuamba ne, Nakuenza mudimu wanyi tshianana, nakujimisha bukole buanyi hatuhu tshiyi muhete tshintu; kadi bulelela, kulumbulula kuakane kundi nʼaku bualu kudi kufuma kudi Yehowa, ne ditutu dianyi didi kudi Nzambi wanyi.

Yeshaya 62:11

Monai, Yehowa wakuela mukenji tô ne kunfudilu kua buloba ne, Ambilai muana mukashi wa Siona ne, Tangila, luhandu luebe ludi lulua; tangila, yeye udi ulua ne bukenji buandi, ne udi utuma difutu diandi ku mpala kuandi.

Matayi 6:4

nunku uhe bantu bintu biebe bia luse mu musokoko, ne Tatu webe udi umona mu musokoko neakuhe.

1 Korente 3:8

Udi ukune ne udi umiamina mai badi umue; kadi muntu ne muntu neangate difutu bu mudi mudimu wandi mene.

Ebrewu 7:26

Bua muakuidi munene wa nunku wakadi mutukumbane, wa tshijila, kai ne bubi, kai mubiha, mutahuluke kudi bantu babi, muvuishibue ha mutu ha mulu;

1 Samuele 24:17

Yeye wakambila Davidi ne, Wewe udi untambe meme buimpe: wewe wakungenzela anu malu mimpe, kadi meme nakukuenzela wewe malu mabi.