Misambu 150:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Numutumbishe ne tshiona tshia dî dia mpungi; numutumbishe ne tshisanji ne lunzenze!

MUKANDA WA MYIDI MUKULU

³ Mutumbishayi ne mpungi, mutumbishayi ne lunkombe ne tshisanji!

Misambu 150:3 ပူးပေါင်းရင်းမြစ်များ

2 Samuele 6:15

Nunku Davidi ne Bena Isalele bonso bakatua ne mushete wa Yehowa, benda bela mbila ne tshiona tshia mpungi.

2 Samuele 6:5

Davidi ne Bena Isalele bonso bakadi bimba ku mpala kua Yehowa biombelu bia mishindu yonso bienza bia mabaya a mitshi ya cyprès, bisanji ne nzenze ya nshinga dikumi ne mbau ne makasa ne biamu bia kukumangana.

1 Kulondolola 15:20

ne Zekâya ne Aziele ne Shemilamota ne Yehiele ne Uni ne Eliaba ne Mâseya ne Benaya bakadi ne nzenze bua kuimbabo tshimbidi tshia Alamota;

1 Kulondolola 15:24

Shebanya ne Yoshafata ne Netanele ne Amasai ne Zekâya ne Benaya ne Eliezê bakuidi bakela mpungi ku mpala kua mushete wa Nzambi; Obeda-edome ne Yehiya bakadi balami ba bibi bia nsubu wakadi mushete.

1 Kulondolola 15:28

Nunku Bena Isalele bonso bakalua ne mushete wa tshihungidi tshia mei a Yehowa bela mbila ne tshiona tshikole tshia nshiba ne mpungi ne tshia biamu bia kukumakasha, bakadi bimba nzenze ne bisanji ne dî dikole.

1 Kulondolola 16:42

Hemana ne Yedutuna bakadi nʼabo ne mpungi ne biamu bia kukumakasha bua kulombolabo misambu ne bua kuimbabo nʼabi misambu ya Nzambi; bana balume ba Yedutuna bakadi ku bibi.

1 Kulondolola 25:1

Bualu bukuabo kabidi, Davidi ne tupitene tua masalayi bakasungula bana balume bakuabo ba Asafa ne ba Hemana ne ba Yedutuna, bua kuimbabo misambu ne nzenze ne bisanji ne biamu bia kukumakasha; bungi buabo bakenza mudimu eu mu milongo yabo buakadi nunku:

2 Kulondolola 20:28

Bakalua ku Yelushalema mu nsubu wa Yehowa ne bisanji ne nzenze ne mpungi.

2 Kulondolola 5:13

hakelabo mpungi kudi bena mpungi ne bimbi ba misambu diatshimue bua kutumbishabo ne bua kusakidilabo Yehowa, ne hakimbabo ne mpungi ne biamu ne biombelu bia kutumbishabo nʼabi Yehowa, bamba ne Yeye udi muimpe, bualu bua luse luandi ludi lujalame tshiendelele, nsubu wakûla tente ne ditutu, nsubu wa Yehowa mene.

Misambu 108:2

Tabalai, nuenu lunzenze ne lunkombe! Meme hanyi nentabashe kabundubundu!

Misambu 149:3

Batumbishe dina diandi ne maja a disanka, Bamuimbile misambu ya kumutumbisha nʼai ku tshiona tshia mazele ne lunkombe!

Misambu 33:2

Nusakidile Yehowa ne tshisanji, numuimbile misambu ya kumutumbisha nʼai ne lunzenze ludi ne nshinga dikumi.

Misambu 92:3

hatudi tukuimbila misambu ne lunzenze ludi ne nshinga dikumi ne ku tshisanji mene; hatudi tuimba ne tshiona tshimpe tshia lunkombe.

Danyele 3:5

Diba dinunvua tshiona tshia mpungi, tshia nshiba, tshia nzenze, tshia nkombe, tshia guitare, tshia bimama ne tshia biombelu bionso, tuai mpala hanshi, tendelelai luhingu lua or ludi mukelenge Nebukadenesâ muimanyike.

Dibadika 10:10

Mu dituku ba disanka dienu, ne mu bikondo binudi nudia bidia bia Yehowa, ne mu tshibangidilu tshia ngondo yenu, nenuele mpungi ku milambu ya kuosha ha kahia, ne ku milambu ya kuvuisha nʼai ditalala, neyikale bu tshivulukidi ku mesu kua Nzambi wenu meme ndi Yehowa, Nzambi wenu.