Misambu 149:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua Yehowa udi ne disanka mu bantu bandi. Udi ulengesha badihuekeshi ne luhandu.

MUKANDA WA MYIDI MUKULU

⁴ Bualu Maweja-Nangila udi ne disanka bua tshisa tshiende, udi utumbisha bapuekele, ubapandisha.

Misambu 149:4 ပူးပေါင်းရင်းမြစ်များ

Misambu 117:2

Bua luse luandi lujalame luakatufuileye ludi lunene; lulamatu lua Yehowa lua bushuwa ludiku tshiendelele. Tumbishai Yehowa!

Misambu 132:16

Nenduatshishe bakuidi badimu luhandu, bansanto badimu nebele mbila bua disanka diabo.

Misambu 147:11

Kadi Yehowa udi usanka bua badi bamutshina, bua badi ne ditekemena diabo mu luse luandi lujalame.

Misambu 22:8

Wakadifila kudi Yehowa; yeye amusungile, yeye amuhandishe, bualu bua udi usanka bualu buandi!

Misambu 35:27

Badi basanka bua bualu buanyi buakane bele mbila ne bikale ne disanka. E bambe biabo matuku onso ne, Yehowa atumbishibue, yeye mene udi usanka mu diakalengele dia muntu udi umukuatshila mudimu.

Misambu 90:17

Dianyisha dia Mukelenge Nzambi wetu dikale kutudi, utujadikile mudimu wa bianza bietu; e, bulelela, ujadike mudimu wa bianza bietu tshishiki.

Nsumuinu 11:20

Badi ne mitshima ya tshitshu badi batondesha Yehowa, kadi badi bakane tshishiki mu bienzedi biabo badi bamusankisha.

Musambu wa Solomo 1:11

Netukulongoluele bilenga bia or bilamika argent.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Yirmeya 32:41

Bulelela, nensanke bua kubenzela bimpe, ne nembakune mu buloba ebu mu bushuwa ne mutshima wanyi mujima ne muoyo wanyi mujima.

Sefanya 3:17

Yehowa Nzambi webe udi munkatshi muenu, muena bukitu bukole udi ukusungila. Yeye neasanke bua bualu buebe ne disanka dinene, neakusangashe mu dinanga diandi, neasanke bua bualu buebe ne kuimba kua misambu.

Ebrewu 12:10

Bulelela, bobo bakatukengesha matuku makese, bu muakuelabo meshi ne, Mbimpe; kadi yeye wakatukengesha bua kutukuatshisha, hua tuetu tuikale bangatshi ba tshijila tshiandi.

1 Petro 3:4

kadi dikale dia muntu musokoma wa mu mutshima, mu bivualu bidi kabi binyanguka bia mutshima wa kalolo ne ditalala, bidi bia mushinga mukole ku mesu kua Nzambi.

1 Petro 5:5

Muomumue, nuenu bansongalume, nukokele bakulumpe. E, buonso buenu nudiluatshishe ne buhuekele, bua kukuatshishangana; bualu bua Nzambi udi uhidia badi badisue, kadi udi uha badi badihuekesha ngasa.

Didimanyisha 7:14

Nakamuambila ne, Mukelenge wanyi, wewe udi mumanye. Wakangambila kabidi ne, Aba mbantu badi bumuka mu dikenga dinene, ne bakuvua mayeka abo, ne bakâtokesha mu mashi a Muana wa Mukoko.