Misambu 149:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Batumbishe dina diandi ne maja a disanka, Bamuimbile misambu ya kumutumbisha nʼai ku tshiona tshia mazele ne lunkombe!

MUKANDA WA MYIDI MUKULU

³ Bantu batumbishe Maweja-Nangila ne maja, bamuimbile, bamusamune ne lunkombe.

Misambu 149:3 ပူးပေါင်းရင်းမြစ်များ

2 Samuele 6:14

Davidi wakaja maja ku mpala kua Yehowa ne bukole buandi buonso: Davidi wakadi ne efoda wa lin musuika mu tshifila tshiandi.

2 Samuele 6:16

Hakadibo halua ne mushete wa Yehowa mu musoko wa Davidi, Mikala, muana mukashi wa Shaula, wakimana ku disoso dia nsubu, wakatangila Davidi wenda utuhika, uja maja ku mpala kua Yehowa; yeye wakamulengulula mu mutshima wandi.

1 Kulondolola 16:42

Hemana ne Yedutuna bakadi nʼabo ne mpungi ne biamu bia kukumakasha bua kulombolabo misambu ne bua kuimbabo nʼabi misambu ya Nzambi; bana balume ba Yedutuna bakadi ku bibi.

1 Kulondolola 25:6

Aba bonso bakadi ku nyima kua tatu wabo bua kuimbabo misambu mu nsubu wa Yehowa ne biamu bia kukumakasha ne bisanji ne nzenze bua mudimu wa mu nsubu wa Nzambi; Asafa, Yedutuna ne Hemana bakadi mu mulongo wa mukelenge.

2 Kulondolola 20:28

Bakalua ku Yelushalema mu nsubu wa Yehowa ne bisanji ne nzenze ne mpungi.

2 Kulondolola 29:25

Yeye wakateka Bena Lewi mu nsubu wa Yehowa ne biamu bia kukumakasha ne nzenze ne bisanji bu muakadi mukenji wa Davidi ne wa Gada, mumonyi wa malu wa mukelenge, ne wa Natana muprofete; bualu bua mukenji wakadi wa Yehowa mukana mua baprofete bandi.

Ezela 3:10

Hakajadika bibaki bishimikidi bia ntempelo wa Yehowa, bakuidi baluata bilulu biabo bakalua ne mpungi, ne Bena Lewi, bana balume ba Asafa, bakalua ne makasa bua kutumbishabo Yehowa bu muakadi dî dijadika kudi Davidi, mukelenge wa Isalele.

Misambu 30:11

Wewe wakungandamuina muadi wanyi bua kuluau kuja kua maja; wakusulula bilulu bianyi bikayabala, wakubinyula, wakunjingila ne mukaba wa disanka;

Misambu 33:2

Nusakidile Yehowa ne tshisanji, numuimbile misambu ya kumutumbisha nʼai ne lunzenze ludi ne nshinga dikumi.

Misambu 81:2

Nuambulule mei enu mu musambu, nuakuishe dikasa, nuimbe lunkombe ludi ne tshiona tshimpe, nuimbe hamue ne lunzenze.

Misambu 81:3

Nuele mpungi habala ngondo, ne halua ngondo tshibalu, mu dituku dietu dia bidia bia disanka.

Misambu 87:7

Badi bimba misambu ne badi baja maja badi bamba ne, Mishimi yanyi ya mai yonso idi munkatshi muenu.

Ekesode 15:20

Mîyama, muprofete mukashi, muanʼabo mukashi ne Alona, wakangata tshisanji mu tshianza tshiandi, ne bakashi bonso bakamulonda ne bisanji, benda batuhika.

Yirmeya 31:13

Hashishe mishikankunde itshidi kamama neyisanke mu kuja kua maja, ne bansongalume ne bakulumpe nebasanke diatshimue; bualu bua nengandamune madilu abo alue disanka, nembasambe, nembahingashile disanka bua kanyinganyinga kakadibo nʼaku.

Yirmeya 31:4

Nenkuase kabidi, ne wewe newashibue, wewe muana mukashi wa Isalele utshidi kamama. Newangate mazele ebe kabidi, neuluhuke nʼau bua kubuela mu maja a badi basanka.

Balombodi 11:34

Yefeta wakalua ku Misepa ku nsubu kuandi; ne muanʼandi wa bakashi wakaluhuka bua kusangakeneye nʼandi ne bisanji ne bena maja; yeye wakadi muana wandi umuehele, yeye kakadi ne muana wa balume anyi muana wa bakashi mukuabo.